«Memleket basshysynyń tapsyrmasyna sáıkes, Ishki ister mınıstrligi bilim berý uıymdarymen birge mektepterdi tekserip jatyr. Qazirdiń ózinde birqatar kemshilik anyqtaldy. Atap aıtqanda, mektepter 100 paıyz beınebaqylaý júıesimen qamtylǵanymen, olardyń jartysyna jýyǵy bekitilgen standartqa saı kelmeıdi», dedi mınıstr.
Onyń atap ótýinshe, elimizdegi árbir úshinshi mektep jedel habarlandyrý júıesimen, 8 paıyzy dabyl túımeshegimen, 5 paıyzy baqylaý jáne ótkizý júıesimen, 4 paıyzy týrnıketpen, 1 paıyzy metall izdeý qurylǵysymen jabdyqtalǵan.
«Mektepterdiń tek 6 paıyzy ǵana kúzet uıymdarymen kelisimshart jasasqan», dedi Erlan Turǵymbaev,
Sonymen qatar ol Bilim jáne ǵylym mınıstrligimen birge bilim berý uıymdaryna alyp kelýge tyıym salynatyn zattardyń tizbesi ázirlengenin aıtty. Bul tyıym osy jyldyń 13 maýsymynan kúshine enetin bolady.
