Qazaqstan • 14 Maýsym, 2021

Vaksına alǵandar qan donorlyǵynan 2 aptaǵa shettetiledi

42 ret kórsetildi

KVI-ǵa qarsy vaksına alǵan adamdar qan jáne onyń komponentteriniń donorlyǵynan 2 aptaǵa shettetiledi. Bul jaıynda QR Bas memlekettik sanıtar dárigeri Erlan Qııasovtyń jańa qaýlysynda aıtylǵan, dep habarlaıdy Egemen.kz.

Qujatta ımmýnosýpressıvti em qabyldaıtyn pasıentterde jáne ımmýn tapshylyǵy bar pasıentterde jetkilikti ımmýndyq jaýap damymaýy múmkindigi eskertiledi. Sondyqtan ımmýndyq júıeniń jumysyn tejeıtin preparattardy qabyldaý ımmýnogendiliktiń tómendeý qaýpine baılanysty vaksınasııadan buryn jáne odan keıin kem degende 1 aı qarsy kórsetilim bolady. Jiti ınfeksııalyq jáne ınfeksııalyq emes aýrýlar ekpelerdi júrgizý úshin ýaqytsha qarsy kórsetilimder bolyp sanalady. Vaksınasııa saýyqqannan nemese remıssııadan keıin 2-4 aptadan keıin júrgiziledi. Jiti ishek aýrýlarynda vaksınasııa densaýlyq jaǵdaıy qalypqa kelgennen keıin jasalady.

«KVI-ǵa qarsy belsendiligi joıylǵan vaksınalarmen (Hayat-Vax, QazVac, KoronaVak jáne basqalary) jáne vektorlyq vaksınamen (Spýtnık V) ekpe alǵan adamdar qan men onyń komponentteriniń donorlyǵynan 2 aptaǵa shettetiledi. Tiri vaksınalardy paıdalanǵan kezde egilgen adamdar qan men onyń komponentteriniń donorlyǵynan 4 apta merzimge shettetiledi. KVI-diń jiti jáne sıpmtom joq túri bar adamdar KVI-ǵa qarsy vaksınasııalaýǵa jatpaıdy. KVI-dy qosa alǵanda, ınfeksııalyq aýrýmen aýyratyn naýqaspen baılanysta bolǵan adamdar karantın merzimi aıaqtalǵannan keıin egiledi. Bul rette, KVI-men aýyratyn naýqaspen óziniń kásibı qyzmetiniń túri boıynsha jeke qorǵanysh quraldarynda baılanysta bolatyn medısına qyzmetkerleri jatpaıdy», delingen qaýlyda.

Sońǵy jańalyqtar

Uqsas jańalyqtar