Qazaqstan • 14 Maýsym, 2021

Qazaqstannyń vaksına pasporty qaı elderge jaramdy?

287 ret kórsetildi

Qazirgi tańda Qazaqstannyń vaksına pasporty úsh elge týrıst retinde kirýge jaramdy. Bul týraly Týrızm ındýstrııasy komıtetiniń tóraǵasy Dastan Ryspekov ortalyq kommýnıkasııalar qyzmetinde ótken brıfıngide aıtty, dep habarlaıdy Egemen.kz.

«Jalpy qazir kóptegen elder PTR-testpen qatar vaksınasııa pasportymen de týrısterdi qabyldaıdy. Bizdiń Densaýlyq saqtaý mınıstrligi qazirgi kezde basqa elderdiń úkimetimen tıisti kelissóz júrgizip jatyr. Mysaly, búginde Mońǵolııa, Taıland jáne Majarstan týrısterdi bizdiń vaksınasııa pasportymen kirgize beredi. Osyndaı elderdiń sanyn kóbeıtý úshin jumys júrgizilip jatyr», deıdi Dastan Ryspekov.

Sondaı-aq ol Maldıv araldarynyń bıligimen de qazaqstandyq vaksına pasporty bar týrısterdi qabyldaý boıynsha kelissóz júrip jatqanyn jetkizdi.

«Qazir Maldıv araldaryna barý úshin Qazaqstan Respýblıkasynyń azamattaryna mindetti túrde PTR-test qajet. Maldıv araldarynyń úkimetimen bizdiń vaksına pasportyn qabyldaý boıynsha máseleler sheshilip jatyr. Sheshilgennen keıin PTR-testsiz-aq, vaksına pasportymen kirýge múmkindik bolady», dedi komıtet basshysy.

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar