Oqıǵa • 15 Maýsym, 2021

Almatyda polıseı áıeldi qaǵyp óltirdi: kýágerler mán-jaıdy aıtty

453 ret kórsetildi

Almatyda polıseı qyzmettik kóligimen 50 jastaǵy áıeldi qaǵyp ketti. Qatty soqqy alǵan kelinshek sol jerde, tilge kelmesten qaza boldy. Kýágerler oqıǵanyń mán-jaıyn aıtty, dep habarlaıdy Egemen.kz.

Patrýldik kólik áıeldi qaǵyp ótip, sol jerde turǵan Gazelge soǵylǵan. Oqıǵany óz kózimen kórgender apat qas-qaǵym sátte bolǵanyn aıtady. Al marqum kólik jýý ortalyǵynda jumys istegen. Ol táýlik boıy jumys isteıtin ortalyqta túngi aýysymda bolyp, jumysty aıaqtaýyna birer saǵat qalǵanda oqys jaǵdaı bolǵan.

«Kelinshek osy táýlik boıy isteıtin kólik jýý ortalyǵynda bir aıdan beri jumys jasady. Ol jýylǵan kólikterdiń ishin tazalaýmen aınalysatyn. Búginde myna jerde turǵan shańsorǵysh apparatymen jumys istep jatqan. Polıseı kóligi ony shańsorǵyshymen qosa ana jaqqa ushyryp apardy», dedi kólik jýý ortalyǵynyń ákimshisi Iýrıı Prıhodko.

Kelinshektiń artynda eresek eki balasy qaldy. Kishisi bıyl mektep bitirip jatyr. Marqumnyń otbasy polısııa kóligi jyldamdyqty shekten asyrǵan dep otyr.  

«Júzben kele jatqan ǵoı, 5 metrge ushyryp jibergen. О́zińiz oılańyz, ólip ketti. Bastan dym joq. Qyzmetkerler báribir ózin qazir saýmyn dep aıtyp otyr. Jazasyn alady, alýy kerek», deıdi marqumnyń qaıyn ápkesi Súńgilshash Aıtýǵanova.

Kúdikke ilikken polıseıdiń áriptesi onyń osy salada 6 jyldan beri qyzmet etip kele jatqanyn, bul oqystan bolǵan oqıǵa dep málimdedi.

«О́kinishke qaraı, qyzmette bolǵan qyzmetker. Saý kisi. Qabyrǵamyz qaıysyp, kelip kóńil aıtyp otyrmyz. Bul otbasyna bar jaǵynan kómek kórsetiledi», dedi Almaty patrýldik polısııa polki komandıriniń orynbasary Jánibek О́skenbaev.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar