Abaı • 15 Maýsym, 2021

Alanııa qalasynda Abaı saıabaǵy ashyldy

152 ret kórsetildi

Túrkııanyń Alanııa qalasyndaǵy saıabaqqa qazaqtyń uly aqyny ári oıshyly Abaı Qunanbaıulynyń esimi berilip, eskertkishi boı kóterdi, dep habarlaıdy Egemen.kz QR SIM baspasóz qyzmetine silteme jasap.

Abaıdyń 175 jyldyǵyna oraılastyrylǵan shara QR Túrkııadaǵy Elshiligi, QR Antalııa Konsýldyǵy, Alanııa mýnısıpalıteti men Alanııadaǵy qazaqstandyqtar qaýymdastyǵynyń uıytqysymen ótti.

Saltanatty rásimge QR Túrkııadaǵy Elshisi Abzal Saparbekuly, Alanııa mýnısıpalıteti basshysy Adem Mýrat Iýjel, QR Antalııadaǵy konsýly Máýlen Ybyraıkulov, Qazaqstannyń Alanııadaǵy qurmetti konsýly Ahmet Djebejı, qala turǵyndary men qonaqtary qatysty.

Sharanyń shymyldyǵyn túrgen Elshi Abaıdyń 175 jyldyǵyna demeý bolyp, saıabaqtyń ashylýyna qoldaý kórsetken Túrkııa eline alǵysyn bildirip, osy tekti sharalardyń eki el arasyndaǵy baılanystardy odan ári nyǵaıýyna septigin tıgizetine senim bildirdi.

«Rýhanııatymyzdyń temirqazyǵy, ulttyq bolmysymyzdyń aınasy sanalatyn uly oıshyl murasynyń baýyrlas Túrkııada erekshe dáriptelip jatqany – biz úshin úlken qýanysh. 

Memleket basshysy Qasym – Jomart Kemeluly Toqaev «Abaı jáne HHI ǵasyrdaǵy Qazaqstan» atty maqalasynda: «Qazir aıtyp júrgen ıntellektýaldy ult qalyptastyrý ıdeıasy Abaıdan bastaý aldy deýge bolady. Uly oıshyl ár sózimen ulttyń óresin ósirýdi kózdedi» degen edi. Abaı atamyzdyń artynan qaldyrǵan ósıet – ónegesin túsinip, uǵyna alsaq, halqymyzdyń jáne jalpy adamzattyń órkendeýi jolynda ólsheýsiz úles qosatynymyz sózsiz», dedi Elshi.

О́z kezeginde, júrekjardy tilekterin bildirgen Alanııa mýnısıpalıteti basshysy Adem Mýrat Iýjel, «qala ortalyǵyndaǵy saıabaqqa Abaı Qunanbaıulynyń esimin berilýi – qazaq jáne túrik halyqtarynyń rýhanı ári mádenı jaqyndyǵynyń kezekti dáleli» deı kele, qazaqtyń uly oıshylynyń esimi Alanııa tarıhynda máńgi saqtalatynyna nazar aýdardy.

Al, QR Qurmetti konsýly Ahmet Djebejı Alanııa turǵyndary men qonaqtary saıabaq arqyly Abaıdy tanýyna túrtki bolatynyna zor senimin jetkizdi.

Shara Antalııa, Alanııa qalalarynda ómir súretin otandastarymyzdyń uıymdastyrǵan konserttik baǵdarlamasymen jalǵasty. Gúlnur Ermanova men balalar horynyń oryndaýynda «Kózimniń qarasy», Nurlan О́tepovtyń oryndaýynda Abaı Qunanabaevtyń «Segiz aıaq», Gúlnur Ermanovanyń jeke oryndaýynda «Aıttym sálem, Qalamqas» ánderi shyrqalyp, aqynnyń óleńderi oqyldy. Myń buralǵan qazaq qyzdary «Qamajaı» bıin bılep, kórermenge tań qaldyrdy.

Aıta ketken jón, Alanııa saıabaǵynda boı kótergen aqyn eskertkishiniń avtory – Nurlan Ahmetov. Atalmysh shara, 2020 jylǵa josparlanǵan. Degenmen, COVID-19 pandemııasy saldarynan keıinge shegerilgen bolatyn.

Buǵan deıin Antalııanyń Mýratpasha aýdanynda da Abaı saıabaǵy ashylǵan bolatyn.

Abaı atyndaǵy saıabaqtyń ashylýymen Túrkııanyń Syrtqy ister mınıstri Mevlıýt Chavýshoglý, Ishki ister mınıstri Cúleımen Soılý, Ulttyq qozǵalys partııasy tóraǵasy Devlet Bahchelı jáne birqatar ózge de laýazymdy tulǵalardan quttyqtaý jedel hattary kelip túsken.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar