Búgingi tańda «Ashyq» jobasyna qatysatyn kásipkerlik nysandary arqyly úı karantınin buzǵan 3550 adam anyqtaldy. Olardyń ishinde «qyzyl» statýsy bar, ıaǵnı COVID-19 juqtyrǵan 1651 kelýshi, «sary» statýsy bar 1899 adam anyqtaldy. Elorda ákimi Altaı Kólginovtiń basshylyǵymen Nur-Sultan qalasy ákimdiginiń qalalyq shtabynyń otyrysynda koronavırýstyq ınfeksııanyń taralýynyń aldyn alý máseleleri qaraldy.
Karantındik sharalardy saqtaý boıynsha monıtorıng toptaryna jumysty kúsheıtý tapsyryldy. Sonymen qatar mobıldi toptar «Ashyq» jobasyna qatysatyn kásipkerlik nysandarynyń jumysyn tekseredi. Karantındik sharalar buzylǵan jáne saqtalmaǵan jaǵdaıda nysandar jabylady.
Sonymen qatar oqshaýlaý rejımin buzatyn jáne adam kóp jınalatyn oryndarǵa baratyn azamattar da jaýapkershilikke tartylady. Aıyppul somasy shamamen 90 myń teńgeni (30 AEK) quraıdy.
«Koronavırýs kórsetkishi azaıyp jatqanyna qaramastan qala áli de «qyzyl» aımaqta. Syrqattanýshylyqtyń tómendeýi vaksınasııa esebinen júrip jatyr. Vaksınasııalanǵandardyń sanyn kóbeıtip, ujymdyq ımmýnıtetti qalyptastyra otyryp, biz koronavırýsty jeńe alamyz.
Mundaı jaýapsyzdyǵynan jaqyndaryna qaýipti indetti juqtyrýy múmkin ekenin eskermeıdi. Olardyń aǵzasy koronavırýsty jeńe alatynyna kepildik joq. Sondyqtan biz qatań sharalar qabyldaýǵa májbúrmiz. Munyń bári qala turǵyndary men elordamyzdyń qaýipsizdigi úshin jasalyp jatyr», dedi Nur-Sultannyń bas memlekettik sanıtarlyq dárigeri Sarqat Beısenova.
