Jalpy, Shymkent qalasy boıynsha ortalyq mańyzy bar 747 kósheniń (1758 shaqyrym) 220 kóshesi (516,7 shaqyrym) jaryqtandyrylǵan.
О́tken jyly 43 kóshe (87 shaqyrym) jaryqtandyrylyp, qamtý kórsetkishi 25,5 %-dan 29,5 %-ǵa ósti. Sonymen qatar, memlekettik jekeshelik áriptestik aıasynda 2021-2023 jyldary 303 kósheni (520 shaqyrym) jaryqtandyrý josparlanyp otyr.
«Kóshelerdi jaryqtandyrý qalamyzdyń túngi kórkin asha túsetini sózsiz. Kórkinen buryn halyqtyń kóńil kúıi men qaýipsizdigi úshin asa mańyzdy. Ásirese mektepter men balabaqshalarǵa baratyn joldardyń jaryq bolýy shart. Osyny esten shyǵarmańyzdar. Jumystardy ýaqytyly ári sapaly oryndaýdy tapsyramyn jáne qadaǵalap otyramyn», dedi qala ákimi.
2021-2023 jyldarǵa arnalǵan jaryqtandyrý jobasynyń quny – 16,4 mlrd teńge. Joba aıasynda energııa únemdeıtin LED shamdaryn sondaı-aq, tozǵan baǵanalardy jańasyna aýystyrý 100 %-ǵa oryndalyp, dıspetcherlik ortalyq qurý arqyly bir ortalyqtan basqarýǵa qol jetkizilmek.
Atqarylǵan jumystar nátıjesinde qalada jaryqtandyrý kórsetkishi 70 %-ǵa jetetin bolady.
