«О́tken jyldyń kúzinen bastap deńgeı ósýde. Qazan aıynda bul kórsetkish 209 818 teńgege, qarashada – 211 033, jeltoqsanda – 220 848, 2021 jylǵy qańtarda – 222 261, aqpanda – 223 213, naýryzda –224 715, sáýirde – 231 319 teńgege jetti. Bul rette halyqtyń jan basyna shaqqandaǵy ortasha ataýly aqshalaı tabystary baǵalaý boıynsha 2021 jylǵy sáýirde 124 132 teńgeni qurady, bul 2020 jylǵy sáýirge qaraǵanda 10,1%-ǵa joǵary», delingen Statıstıka komıteti taratqan aqparatta.
Al naqty aqshalaı tabys kórsetilgen kezeńde salystyrǵanda 2,9%-ǵa ósti. Sondaı-aq bıýroda 2021 jyldyń I toqsanynda jumyssyzdar sany 451,3 myń adamdy quraǵanyn eske saldy. Jumyssyzdyq deńgeıi jumys kúshine qaraǵanda 4,9%-ǵa jetti.
«Jumyspen qamtý mekemelerinde jumyssyzdar retinde tirkelgender sany 2021 jyldyń mamyr aıynyń sońynda 222,7 myń adamdy nemese jumys kúshine 2,4%-dy qurady», dep habarlady bıýroda.
