15 maýsymda jarııalanǵan Qazaqstan óńirlerindegi epıdemııalyq ahýaldy baǵalaý matrısasy boıynsha, «qyzyl aımaqta» Nur-Sultan qalasy, «sary aımaqta» Atyraý, Batys Qazaqstan jáne Qaraǵandy oblystary tur. Al «jasyl aımaqta» – Almaty, Shymkent qalalary, Aqmola, Almaty, Aqtóbe, Jambyl, Qostanaı, Qyzylorda, Mańǵystaý, Shyǵys Qazaqstan, Pavlodar, Soltústik Qazaqstan jáne Túrkistan oblystary. Budan bir kún buryn ǵana «sarǵaıyp» turǵan Aqmola oblysynda jaǵdaı durystalyp, «jasylǵa» kóshti.
Sondaı-aq Qazaqstanda birinshi komponentpen 2 547 363 adam, ekinshi komponentpen 1 435 334 adam vaksına saldyrdy. «Qyzyl aımaqta» qalyp otyrǵan elordada vaksınalaý qarqyny áli de báseń. Sońǵy málimet boıynsha birinshi komponent boıynsha Nur-Sultan qalasynda 176 myńnan asa adam ekpe aldy.
Degenmen, astanadaǵy asqynǵan jaǵdaıdyń ońalýyna osy vaksınalaý áser etip jatyr. О́ıtkeni qalada karantın jáne oqshaýlaý rejimin buzǵan jaǵdaılar áli de azaıar emes. Bul rette elorda ákimi Altaı Kólginovtiń jetekshiligimen Nur-Sultan qalasy ákimdiginiń qalalyq shtabynyń otyrysynda koronavırýs ınfeksııasy taralýynyń aldyn alý máseleleri qaraldy. Endi saqtyq sharalaryn talapqa sáıkes ustamaǵan qala turǵyndary jaýapkershilikke tartylyp, aıyppul somasy shamamen 90 myń teńgeni (30 AEK) quraıdy.
Búgingi tańda, Ashyq jobasyna qatysatyn kásipkerlik nysandary arqyly úı karantınin buzǵan 3 550 adam anyqtaldy. Olardyń ishinde «qyzyl mártebesi» bar, ıaǵnı Sovid-19 juqtyrǵan 1 651 kelýshi, «sary mártebesi» bar 1 899 adam anyqtaldy.
Karantın sharalaryn saqtaý boıynsha monıtorıng toptaryna jumysty kúsheıtý tapsyryldy. Sonymen qatar mobıldi toptar Ashyq jobasyna qatysatyn kásipkerlik nysandarynyń jumysyn tekseredi. Iаǵnı kelýshilerdiń mártebesi tekseriletini, sanıtarlyq normalardyń saqtalatyny, belgilengen ýaqyt rejimi buzylmaıtyny jáne basqa da talap qatań qadaǵalanady. Karantın sharalary buzylǵan jáne saqtalmaǵan jaǵdaıda nysandar jabylady.
«Turǵyndar óz jaýapsyzdyǵynan jaqyndaryna qaýipti indetti juqtyrýy múmkin ekenin eskermeıdi. Olardyń aǵzasy koronavırýsty jeńe alatynyna kepildik joq. Sondyqtan biz qatań sharalar qabyldaýǵa májbúrmiz. Munyń bári qala turǵyndary men elordamyzdyń qaýipsizdigi úshin jasalyp jatyr. Koronavırýs kórsetkishi azaıyp jatqanyna qaramastan, qala áli de «qyzyl aımaqta». Syrqattanýshylyqtyń tómendeýi vaksınalaý esebinen júrip jatyr. Vaksınalanǵandardyń sanyn kóbeıtip, ujymdyq ımmýnıtetti qalyptastyra otyryp, biz koronavırýsty jeńe alamyz», dedi Nur-Sultannyń bas memlekettik sanıtarlyq dárigeri Sarqat Beısenova.
