BQO polısııa departamentiniń baspasóz qyzmetinen túsken málimetke qaraǵanda, oqıǵa 16 maýsym kúni saǵat 18.15-te Oral-Tasqala jolynyń 26-shaqyrymynda boldy.
«ÝAZ» (jedel járdem) kóliginiń 35 jastaǵy júrgizýshisi jol qozǵalysy qaýipsizdigin qamtamasyz etpegen. Sóıtip alda 1973 jylǵy júrgizýshi aıdap bara jatqan traktor - ekskavatormen soqtyǵysýǵa jol bergen.
Jol apaty saldarynan «ÝAZ» avtokóliginde otyrǵan 1966 jáne 1981 jylǵy áıel adamdar Oral qalasyndaǵy oblystyq kópbeıindi aýrýhanaǵa jetkizildi.
Kólikter arnaıy turaqqa qoıyldy. Qazirgi kezde QR QK 345-baby 1-bóligine sáıkes sotqa deıingi tergeý amaldary júrgizilýde.
