17 Maýsym, 2021

COVID-19-ǵa qarsy kúreske bólingen qarajattyń jumsalýynan zań buzýshylyqtar anyqtaldy

63 ret kórsetildi

Senattyń jalpy otyrysynda respýblıkalyq bıýdjettiń atqarylýyn baqylaý jónindegi esep komıtetiniń basshysy Natalıa Godýnova COVID-19-ǵa qarsy kúreste bólingen qarjynyń jumsalý barysynda 355 mlrd teńge kólemindegi zań buzýshylyqtar anyqtalǵanyn aıtty, dep habarlaıdy Egemen.kz.

Godýnovanyń aıtýynsha, daǵdarysqa qarsy qarajatty paıdalaný boıynsha birqatar másele bar.

«6,9 trıllıon teńgeniń 4,5 trıllıony tekserildi, onyń 2 trıllıonyna aýdıt júrgizildi. 355 mıllıardtyń zań buzýshylyqtary anyqtaldy, taǵy 243 mıllıard úkimetpen birlesken jumys barysynda qaıta bólinip, taratyldy», dedi komıtet basshysy.

Onyń aıtýynsha, halyqty jumyspen qamtý boıynsha júrgizilip jatqan sharalarda da shıkilikter bar.

«Jumyssyzdyq deńgeıin 4,9% deńgeıinde saqtap qalsaq ta, bastapqyda jumyspen qamtýdy qoldaý boıynsha shyǵyndardyń edáýir bóligi ýaqytsha jumys oryndaryn qurýǵa baǵyttaldy, onyń ortasha ýaqyty 1 - 3 aıdy qurady», dep qosty esep komıtetiniń basshysy.

Botagóz AMALBEK


Sońǵy jańalyqtar

Uqsas jańalyqtar