Sovid-19-dyń aldyn alýǵa arnalǵan jańa vaksınalyq preparat – SARS-CoV-2 koronavırýsynyń jasandy sıntezdelgen aqýyzdary negizinde ázirlengen QazCoVac-P sýbbirlik vaksınasy. Bilim jáne ǵylym mınıstrligi Ǵylym komıtetiniń Bıologııalyq qaýipsizdik problemalarynyń ǵylymı-zertteý ınstıtýty atalǵan vaksınanyń klınıkalyq zertteýleriniń I jáne II fazasyn júrgizýge Densaýlyq saqtaý mınıstrliginiń ruqsatyn aldy.
Bul – Densaýlyq saqtaý mınıstrliginiń mamandandyrylǵan kásipornynda klınıkaǵa deıingi synaqtardan sátti ótken jáne óziniń qaýipsizdigin kórsetken BQPǴZI-diń ekinshi vaksınasy. Ázirleýshiler molekýlalyq bıologııanyń zamanaýı tehnologııalaryn qoldaný arqyly SARS-CoV-2 koronavırýsynyń ımmýndyq júıemen tanylatyn RBD jáne N aqýyzdaryn shyǵaratyn bakterııalardyń shtamdaryn ala aldy.
«Vaksınanyń qaýipsizdigin qamtamasyz etý úshin alynǵan aqýyzdardy kúrdeli tazartýdyń barlyq kezeńi júrgizildi jáne sapa baqylaýynan ótti. Olardyń quramynda vırýs joq. Zerthanalyq janýarlarǵa salynǵan vaksına ekinshi dozany bulshyqet ishine engizgennen keıingi 14-shi táýlikte ımmýnıtetti damytýǵa yqpal etedi. Inaktıvtelgen vaksınalardyń quramyndaǵy sııaqty sýbbirlikti vaksınalardyń quramynda da patogenniń tiri komponentteri joq jáne óte qaýipsiz», deıdi ınstıtýt ókilderi.
Instıtýt málimeti boıynsha, vaksınanyń quramyndaǵy adıývant ımmýndyq reaksııa týdyrýǵa áser etedi jáne vaksınalanýshynyń aǵzasyna teris yqpalyn tıgizbeıdi. Sebebi bul vaksınanyń quramyna tek qajetti antıgender kiredi jáne vırýstyń basqa quramdas bólshekteri joq. Sýbbirlikti vaksınadan keıingi janama áserler sırek kezdesedi. Vaksınanyń bul túriniń mysaly retinde tumaýǵa, V gepatıtine, pnevmokokqa, menıngokokqa, gemofıldi ınfeksııalarǵa qarsy jáne basqa da vaksınalardy ataýǵa bolady.
Klınıkalyq zertteýlerdiń sátti ótýi sýbbirlikti vaksına arqyly vaksınalanǵandardyń kontıngentin keńeıtýge jáne elimizde koronavırýsqa qarsy ujymdyq ımmýnıtettiń qalyptasýyn tezdetýge múmkindik beredi.
