Aqparat jáne qoǵamdyq damý Vıse-mınıstri B. Tilepov ÚEU-men ózara is-qımyl boıynsha júrgizilip jatqan jumystar jáne jalpy azamattyq qoǵamdy damytý salasynda jetildirý boıynsha qandaı júıeli jumystar júrgizilip jatqany týraly aıtyp berdi.
Ol, QR Parlamenti Májilisine volonterlik jáne qaıyrymdylyq qyzmet, granttyq qarjylandyrý máseleleri boıynsha zań jobasyn engizý josparlanýda ekendigin aıtty.
Úkimettik emes sektor tarapynan kezdesýge qatysýshylar depýtattardy óz qyzmetimen tanystyrdy. Atap aıtqanda, Azamattyq bastamalardy qoldaý ortalyǵynyń tóraǵasy Lıma Dıas, Qazaqstannyń Azamattyq alıansynyń prezıdenti Baný Nurǵazıeva, Volonterler front-keńsesiniń basshysy Tatıana Mıronıýk sóz sóıledi.
О́z kezeginde Májilis depýtattary azamattyq bastamalardy qoldaý jónindegi qyzmetti zańnamalyq turǵyda jetildirý boıynsha oı-pikirlerimen bólisti.
«Zań jobasy boıynsha jumys toby qurylǵan kezde, onyń aldynda, depýtattar úshin osyndaı formatta kezdesýdi uıymdastyrý kerek, olar biz sııaqty salaǵa úńilip, tereń túsiný tıis», dedi QR Parlamenti Májilisiniń depýtaty Danııa Espaeva.
B.Tilepov úkimettik emes sektor tarapynan konsýltasııalar, ádisnamalyq kómek, túsindirmeler alýǵa suranys — ABQO negizinde Respýblıkalyq ÚEU qoldaý ortalyǵyn qurýǵa sebep bolǵanyn atap ótti.
Kovorkıng ortalyq qajetti tehnıkamen jabdyqtalǵan, ol onlaın kezdesýler, Digital-tanystyrylymdar ótkizýge múmkindik beredi, onda áleýetti jáne grant alýshylar úshin konsýltasııalar, sondaı-aq ÚEU suraýy boıynsha basqa da is-sharalar ótkiziledi. Azamattyq sektormen jumystyń osyndaı formaty azamattyq qoǵamnyń ósip kele jatqan suranystaryn tıimdi jáne jedel sheshýge yqpal etedi dep boljanýda.
