Bul úshin shaqyrtýǵa baratyn jedel járdem qyzmetkerleriniń barlyǵynyń beıdjıginde QR -kod qosymshasy ornatylǵan.
QR-kod arqyly pasıent dáriger jáne feldsher qandaı oqý ornyn bitirdi, jumys ótili, sanattylyǵy týraly tolyq aqparatty jáne qyzmet kórsetý sapasy týraly óz pikirin qaldyra alady. Al qyzmetkerlerdiń beıdjıginde uıymnyń logotıpi, qyzmetkerdiń sýreti, onyń tolyq aty-jóni jáne atqaratyn laýazymy kórsetilgen.
Jalpy úshinshi megapolıste 100 jedel járdem brıgadasy turǵyndarǵa alǵashqy medısınalyq kómek kórsetedi. 103 stansııasy 100 paıyz sıfrly júıege qosylǵan. Jedel járdem qońyraýlarynyń barlyǵy biriktirilgen avtomatty júıe arqyly qabyldanady. Munan bólek, shaqyrtýǵa baratyn kólikterde GPS-navıgatory ornatylǵan.
Aıta keteıik, búginde qaladaǵy 33 memlekettik medısınalyq mekemede QR- kod júıesi iske qosyldy. Bul baǵdarlama ýaqytty únemdeý, qashyqtyqtan qujat almasý, jumysty avtomattandyrýǵa septigin tıgizedi.
