Ortalyq basshysy polkovnık Baýyrjan Nyǵmatýllın elshini jańa qyzmetke taǵaıyndalýymen quttyqtap, oǵan alda elimizdegi qyzmetine tabys tiledi. Sonymen qatar, Úndistan Respýblıkasynyń Áskerı attashesi polkovnık Mılan Nalavade Qazaqstan Respýblıkasyndaǵy merziminiń aıaqtalýyna qaraı, onyń qazaqstandyq bitimgerlikti damytýǵa qosqan úlesin atap ótip, eleýli eńbegine alǵysyn jetkizdi.
Kezdesý barysynda taraptar bitimgerlik áleýetti damytý sheńberindegi Úndistan men Qazaqstannyń qorǵanys vedomstvolary arasyndaǵy eki jaqty yntymaqtastyqty nyǵaıtý máselelerin talqylady.
Atalmysh ortalyqtyń maqsaty, qyzmetiniń máni men onyń damý joldary týraly polkovnık Baýyrjan Nyǵmatýllın baıandady.
Kezdesý ótken jyldyń jeltoqsan aıynda ashylǵan bitimgerlik daıarlyqtyń qazaqstandyq-úndilik synybynda ótti.
Shýbhdarshını Trıpathı elimizdiń qonaqjaılylyǵy men kezdesýge óz atynan alǵysyn aıtyp, beıbitshilikti qoldaý jónindegi operasııalarǵa óziniń qatysýyn keńeıtý arqyly beıbitshilik pen qaýipsizdikti nyǵaıtýdaǵy Qazaqstannyń qosqan úlesine joǵary baǵa berdi.
Budan ózge de, elshi úndi tarapy bitimgerlik daıarlyq ortalyǵyn damytý aýqymynda ózara tyǵyz is-qımyl jasaýǵa daıyn ekenin málimdedi.
