«Eki memlekettiń arasyndaǵy shekarany anyqtaýda birneshe prosedýra júzege asyrylady. Kezinde demarkasııa ótti, biraq delımıtasııa tolyq aıaqtalmaǵan. Osyǵan qaramastan bıyl Memleket basshysynyń tapsyrmasymen Úkimet, syrtqy ister mınıstrligi, oblystyq ákimshilik, aýdandyq ákimshilik, barlyǵy birigip, óte úlken keshendi jumys atqardy. Nátıjesinde, burynǵy sheshilmeı turǵan 740 ga jer oblys aýmaǵyna qosyldy», dedi oblys ákimi.
О́.Shókeev bul másele úkimettik deńgeıde sheshilgenin atap ótti. Eki el arasynda tıisti hattama jasaldy, odan keıin Úkimettiń qaýlysy shyqty. Qazirgi kezde aýdan eldi mekendegi jerdi paıdalaný tártibin ornatýda, ıaǵnı jergilikti turǵyndardyń barlyq máselesi sheshiledi. Bárine óz jerine tıisti qujattar beriledi. Sonymen qatar, shilde aıynda eki eldi meken de tolyqqandy gazben qamtamasyz etiledi.
