Qoǵam • 21 Maýsym, 2021

Qazaqstandyqtardyń ortasha tabysy anyqtaldy

75 ret kórsetildi

Osy jyldyń birinshi toqsanynda halyqtyń aqshalaı kirisi jan basyna shaqqanda orta eseppen 196,5 myń teńgeni qurady, dep habarlaıdy Egemen.kz.

Bul ótken jyldyń sáıkes kezeńimen salystyrǵanda 10,8 paıyzǵa artyq.

Qazaqstan óńirleriniń arasynda tabysty kóp tabatyndar megapolısterde, Nur-Sultan (275,9 myń teńge) jáne Almatyda (246,8 myń teńge) tirkeldi. 2021 jyldyń birinshi toqsanynda orta eseppen jan basyna shaqqanda 246 myń teńge kórsetkishimen Qaraǵandy oblysy Almatydan sál artta qaldy.

Tabysy eń tómen - Túrkistan oblysynyń turǵyndary: 121,8 myń teńge. Bul jetekshi Nur-Sultanǵa qaraǵanda 2,3 ese az jáne Qazaqstan óńirleri arasyndaǵy kiris deńgeıi boıynsha sońǵylardyń qatarynda turǵan Jambyl oblysynan (151,8 myń teńge) 20 paıyzǵa az.

2021 jyldyń birinshi toqsanynda halyqtyń aqshalaı tabysynyń úshten ekisinen astamy eńbek qyzmetinen túsken tabystarǵa tıesili: 136,5 myń teńge, onyń 119,1 myńy - jaldamaly jumystan, 17,4 myńy - ózin jumyspen qamtýdan jáne kásipkerlik qyzmetten.

Al áleýmettik transfertter boıynsha - 30 paıyzdan az. Onyń ishinde 43,7 myń teńge - zeınetaqy, al járdemaqy, shákirtaqylar, AÁK jáne turǵyn úı kómegi 9,1 myń teńge boldy.

Aıyrmashylyq  qala turǵyndarynyń paıdasyna 2020 jylǵy 40,4 paıyzdan 37,7 paıyzǵa deıin tómendedi.

Qalalyq jerlerde halyqtyń tabysy 9,9 paıyzǵa, orta eseppen jan basyna shaqqanda 221,3 myń teńgege deıin, al aýyldyq jerlerde 12,1 paıyzǵa, 160,6 myń teńgege deıin ósti.

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar