Aımaqtar • 21 Maýsym, 2021

Elordaǵa jarysqa kelgen sportshylar qonaqúıde tóbeles shyǵarǵan

46 ret kórsetildi

20 maýsymda elorda polısııa qyzmetiniń «102» nómirine Qorǵaljyn tasjolynda ornalasqan qonaqúıdiń nómirinde belgisiz bireý er adamǵa pyshaq salyp, oqıǵa ornynan izin jasyrǵany týraly habarlama kelip tústi, dep habarlaıdy Egemen.kz qalalyq polısııa departamentine cilteme jasap.

Oqıǵa ornyna polısııa qyzmetkerleri jedel kelip jetti. Tekseris kezinde bir top jastardyń 15 maýsym kúni elordaǵa qazaqsha kúresten respýblıkalyq jarysqa Aqtóbe qalasynan kelgeni anyqtaldy.

Jarys aıaqtalǵan soń 20 maýsym kúni olar qonaqúıge kelgen. 21 jastaǵy eki er adamnyń arasynda janjal shyǵyp, arty tóbeleske ulasty. Saldarynan onyń bireýi ekinshisiniń keýde tusyna pyshaq jaraqatyn salǵan. Jábirlenýshi aýrýhanaǵa jetkizildi.

21 jastaǵy kúdikti er adam ustalyp, ýaqytsha oqshaýlaý abaqtysyna qamaldy. Atalǵan fakt boıynsha qylmystyq is qozǵaldy. Tergeý jumystary júrip jatyr.

Budan basqa, tergeý aıasynda atalǵan jarysty uıymdastyrýshylarǵa baǵa beriledi.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar