Prezıdent • 22 Maýsym, 2021

Prezıdent sýburqaqta adamdardy qutqarǵan stýdentti Qurmet gramotasymen marapattady

86 ret kórsetildi

Memleket basshysy Qasym-Jomart Toqaev Almatydaǵy sýburqaqtardyń birinde toq soǵyp, zardap shekken áıel men eki balany qutqarǵan qazaqstandyq stýdenti Qurmet gramotasymen marapattady, dep habarlaıdy Egemen.kz.

«Memleket basshysy adamdardyń ómirine qater tóngende kórsetken asqan erjúrektigi men batyldyǵy úshin Q.Sátbaev atyndaǵy Qazaq ulttyq tehnıkalyq zertteý ýnıversıtetiniń 2-kýrs stýdenti Abylaı Balapanovty Qurmet gramotasymen marapattady», dep jazdy QR Prezıdentiniń baspasóz hatshysy Berik Ýálı jelidegi paraqshasynda.

Abylaı Balapanov ótken demalys kúnderi Almaty qalasyndaǵy sýburqaqtardyń birinde toq soǵyp, zardap shekken áıel men eki balany qutqaryp qalǵan.

Eske salaıyq, 19 maýsym kúni Almaty sırki mańyndaǵy fontanda birneshe adamdy toq soqty. Keıin ákimdik atalǵan oqıǵanyn mán- jaıyn túsindirdi.

Sonymen qatar, «Eco Almaty» JShS-niń basshysy Janna Asanova ol jerde «Shomylýǵa tyıym salynady!» degen eskertý taqtashasy ornatylǵanyn atap ótti.

 

Sońǵy jańalyqtar

Kabýlda jarylys boldy

Oqıǵa • Keshe

Almatyda baqylaý kúsheıtildi

Koronavırýs • Keshe

Tiliksiz ota jasaldy

Medısına • Keshe

Uqsas jańalyqtar