Ulttyq bank jeńildetilgen avtonesıe berý baǵdarlamasyn 2019 jyldyń 31 mamyrynda iske qosqan. Sharttarda otandyq óndiristen jeńil avtokólik satyp alatyn jeke tulǵalarǵa 4 paıyz nomınal mólsherlememen kredıt berýi kózdelgen.
Baǵdarlamany iske asyrý úshin Ulttyq bank 2019-2020 jyldary 40 mıllıard teńge, ıaǵnı jyl saıyn 20 mıllıard teńge bólgen.
Ulttyq bank aqparatyna súıensek, 2021 jyldyń 27 mamyryndaǵy jaǵdaı boıynsha barlyǵy 48,8 mıllıard teńgege 8 546 kredıt berilgen, onyń ishinde 8,8 mıllıard teńge buryn berilgen avtokredıtterdi (revolverlik tetik) óteýden túsken qarajat esebinen satylǵan.
«Sonymen qatar, Ulttyq bank basqarmasynyń 2021 jylǵy 24 mamyrdaǵy № 56 sheshimimen «Otandyq óndiristiń jeńil avtokóligin satyp alýshylarǵa kredıt berý baǵdarlamasyn bekitý týraly» qaýlysynyń kúshi joıyldy. Sondaı-aq, Qazaqstanda dál osyndaı sharttarmen óndirilgen jeńil avtokólik satyp alýshylaryna kredıt berý úshin Ulttyq bank buryn bólgen 40 mıllıard teńge somasyndaǵy qarajatty odan ári paıdalaný múmkindigi qarastyrylǵan», dedi bank ókilderi.
