Ulttyq ekonomıka mınıstri Áset Erǵalıev osy jyldyń 5 aıynda taý-ken óndirisi ónerkásibin qospaǵanda, negizgi kapıtalǵa salynǵan ınvestısııalar kólemi 25,5% deńgeıinde óskenin aıtty.
Mınıstr bıylǵy 5 aıdyń nátıjeleri boıynsha QR ekonomıkasynyń qalpyna kelý traektorııasyna shyǵýy aıasynda negizgi kapıtalǵa salynǵan ınvestısııalar aǵynynyń joǵary qarqyny qurylys (+132%), óńdeý ónerkásibi (+82%), aqparat jáne baılanys (+55%), aýyl sharýashylyǵy (+47%), saýda (+49%), jyljymaıtyn múlik operasııalary (+30%), kólik jáne qoımalaý (+20%) sekildi salalarda baıqalǵanyn atap ótti.
О́ńdeý sektorynyń qurylymynda hımııa ónerkásibine ınvestısııalardyń ósýi 130 mlrd teńgeni (+427%), metallýrgııaǵa 50 mlrd teńgeni (+41%) jáne t. b. qurady.
Negizgi kapıtalǵa salynǵan ınvestısııalar boıynsha oń ósim qarqynyna 15 óńirde jáne respýblıkalyq mańyzy bar qalalarda qol jetkizildi. Kósh bastap turǵan óńirler Túrkistan (+39,1%) jáne Pavlodar (+38,5%) oblystary, Almaty (+36,1%), Nur-Sultan (+34,8%) jáne Shymkent (+25,6%) qalalary, Soltústik Qazaqstan (+24,6%), Jambyl (+24,3%) jáne Qaraǵandy (+21,6%) oblystary boldy. Artta qalýshylyq Batys Qazaqstan (-36,4%) jáne Atyraý (-35%) oblystarynda baıqalady.
«Kazakh Invest» UK» AQ basqarma tóraǵasy Meıirjan Iýsýpov qazirgi tańda «Task Force» $9 mlrd astam somaǵa 36 jobany pysyqtap jatqanyn aıtty. Qosymsha 15 joba qarastyrylyp jatyr.
Atyraý oblysynyń ákimi Mahambet Dosmuhambetov 2021-2025 jyldarǵa ákimdik AО́K, jańartylatyn energetıka, farmasevtıka, munaı-gaz hımııasy ónerkásibi, týrızm, bilim berý jáne t. b. salalarda 12 myńnan astam jumys ornyn qura otyryp, jalpy somasy 10,1 trln teńge bolatyn 110 ınvestısııalyq jobadan turatyn pýl qalyptastyrǵanyn baıandady. Bıyl óńirde ınvestısııalyq jobalardy iske asyrýǵa 3,8 trln teńge ınvestısııa tartý josparlanǵan. Osy jyldyń 5 aıynda negizgi kapıtalǵa salynǵan ınvestısııalar kólemi 1 trln teńgeni qurady.
Qyzylorda oblysynyń ákimi Gúlshara Ábdiqalyqova aldaǵy 5 jylǵa ákimdik AО́K, kólik, jańartylatyn energetıka, jeńil ónerkásip, sıfrlandyrý, densaýlyq saqtaý, TMK jáne t. b. salalarda 889 mlrd teńge somasyna 177 jobadan turatyn pýl qalyptastyrǵanyn atap ótti. Qazirgi ýaqytta jalpy quny 476 mlrd teńge bolatyn 132 joba iske asyrylýda. Osy jyldyń sońyna deıin jalpy quny 56 mlrd teńge bolatyn, óńirdiń 10 negizgi ınvestısııalyq jobasynyń 6-yn paıdalanýǵa berý josparlanǵan, atap aıtsaq – shyny zaýyty, as tuzyn óndirý, qus fabrıkasy, jońyshqa ósirý, túıe sútinen qurǵaq untaq óndirý, kún elektr stansııasy (osy jylǵy naýryz aıynda paıdalanýǵa berildi).
Úkimet basshysy barlyq memlekettik organǵa, óńirlerdiń ákimdikterine jáne kvazımemlekettik sektor sýbektilerine ishki jáne syrtqy ınvestısııalardy tartý jumysyn júıeli negizde jalǵastyrýdy tapsyrdy.
