Álem • 24 Maýsym, 2021

Ǵaryshty zertteý – basymdyq

1260 ret

kórsetildi

1 mın

oqý úshin

Eýropa odaǵynyń jańa ǵarysh baǵdarlamasy resmı túrde iske qosyldy. Baǵdarlama 2027 jylǵa deıingi kezeńdi qamtıdy jáne múshe 27 memleketke spýtnıktik navıgasııaǵa, jerdi baqylaýǵa, ǵarysh jaǵdaıy týraly habar taratý jáne qaýipsiz baılanysqa ınvestısııany ulǵaıtýǵa múmkindik beredi.

Merýert BÚRKITBAEVA

Sondaı-aq jospar boıynsha EO ǵaryshtyq baǵdarlama agenttigi dep atalatyn jańa organ qurylmaq. Euspa Eýropa odaǵynyń orbıtadaǵy jumysyn baqylaıdy.

Jańa baǵdarlamanyń taǵy bir mańyzdy jetistigi – EO-nyń Eýropa ǵarysh agenttigimen (ESA) baılanysyn nyǵaıtýynda. Euspa men ESA uıymdaryna múshe elder sany birdeı emes. Mysaly, Ulybrıtanııa ESA-ǵa kirgenimen, Eýropa odaǵynyń múshesi bolmaǵandyqtan, Euspa uıymynyń qatarynda emes. Degenmen Eýroodaq Eýropa ǵarysh agenttigin (ESA) tehnıkalyq keńesshisi jáne ónerkásiptik satyp alý agenti retinde paıdalanady. Bul odaq qarjylyq negizdemelik seriktestik týraly kelisim (FFPA) negizinde resmı túrde bekitildi. FFPA mindetterdi anyqtap, 2027 jylǵa deıin Eýroodaqtyń ESA-ǵa tikeleı beretin qarjy somasyn belgileıdi. EO ǵaryshqa bólgen jalpy bıýdjeti – 14,88 mlrd eýronyń shamamen 9 mlrd eýrosyn osy uıymǵa bermek. Qazirgi ýaqytta EO Eýropa ǵarysh agenttiginiń (ESA) tórtten bir bóligin qarjylandyryp otyr.