Nátıjeler kórsetkendeı, respondentterdiń 49 paıyzy bıliktiń belgili bir salalardaǵy jumysshylardy vaksınalaýǵa mindetteý týraly sheshimin maquldaǵan. 16 paıyzy bul máselege beıjaı qarasa, 30 paıyzy qarsylyq bildirgen.
100 myńǵa jýyq halqy bar qalalarda saýaldamaǵa qatysqandardyń 54 paıyzy ıdeıany qoldady, al Máskeý men Sankt-Peterbýrgte basqa qalalarǵa qaraǵanda teris baǵalanǵan (30 paıyz). Qyzmet kórsetý jumysshylaryn mindetti vaksınalaý Máskeý men aımaqtardaǵy epıdemııalyq jaǵdaıdy jaqsartýǵa kómektesedi degen pikirmen reseılikterdiń 52 paıyzy kelisken, al respondentterdiń 34 paıyzy qarama-qarsy pikirde, al taǵy 14 paıyzy naqty jaýap bere almady. Qatysýshylardyń 22 paıyzy, kóbinese 18 jastan 34 jasqa deıingi jastar bıliktiń mundaı sheshiminen habardar bolmaı shyqty. Zertteýdiń statıstıkalyq qateligi 2,5 paıyzdan aspaıdy dep atap ótti VSIOM.
Koronavırýsqa qarsy vaksınalaý Reseıdiń barlyq aımaqtarynda júrip jatyr. Kúrdeli epıdemııalyq jaǵdaıǵa baılanysty jekelegen salalardyń qyzmetkerleri úshin mindetti ekpe engizilgen. Bılik jazdyń sońyna qaraı halyqtyń 60-70 paıyzyn vaksınalaýdy josparlap otyr.
