Daryndy oqýshylar 245 medal jeńip aldy

Oblystyq bilim basqar­masy­nyń málimetinshe, jalpy, oblystyń daryndy oqý­shy­lar qurama komandasy res­pýb­lı­kalyq jáne halyq­ara­lyq olım­pıadalarda bıyl 245 medal jeńip al­ǵan. Bul medal­dar­dyń 37-si halyq­ara­lyq, 208-i respýblı­kalyq deń­geıde ótken jarystarda berilgen.

Respýblıkalyq olımpıa­da­nyń qorytyndylary boıynsha oblys quramasy komandalyq ekin­shi oryndy ıelenip, «Úzdik olım­pıadalyq komanda-2021» ser­tı­fıkatymen marapattaldy. Oblys quramasy 14 altyn, 14 kúmis jáne 23 qola medal jeńip aldy.

Al kezdesýge kelgen daryn­dy balalarǵa arnalǵan ma­man­­dandyrylǵan mektepter men jal­py orta bilim beretin mektep­terdiń 50 oqýshysyn oblys ákimi Ábilqaıyr Sqaqov alǵys hattarmen marapattap, árqaısysyna 100 myń teńgelik sertıfıkat ta­bys etti.

Sonymen birge elimizdegi «100 úzdik mektep» qatarynda kóringen daryndy balalarǵa arnalǵan №8 mektep-lıseıi­niń dırektory Gaýhar Baby­qova,­ «Jas daryn» mamandan­dyryl­ǵan mektebiniń dırektory Gúlnár Janǵazy jáne №3 gım­nazııa mektebiniń dırektory Qorlan Qusbekova da marapattaldy.

Otbasynda eki-úsh baladan olım­pıada júldegerlerin ósi­rip tárbıelegen, erekshe bilim alýy úshin qamqorlyq pen qoldaý kórsetken Janat pen Ásem Dúısembekovter, Vadım, Tanzılıa Bochkarevtar, Tal­­ǵat Qusaıynov pen Dınara Qur­manovalar sııaqty ata-analarǵa da erekshe qurmet kór­setildi.

– Bizdiń mektep muǵalim­de­ri ­O.Koldasheva, T.Rýbsova, L.Stadnıkova, Iý.Iаkýtovıch, S.Vasına matematıka, hımııa, aǵyl­shyn tili, ınformatıka pán­derinen jyl saıyn olımpıada júldegerlerin daıyndaıdy. Elimizdiń bolashaǵyna úles qosatyn daryndy oqýshy­larymyz D.Rahımjanov, A.Dra­­gan­chýk, L.Vladımır, A.Gor­kov, A.Shıshkın, D.Nur­taev, Á.Maqashev sııaqty oqý­shylar­men maqtanamyz. Osyn­daı daryndy bala tárbıelep ósirgen ata-analarǵa alǵys bil­diremiz, – deıdi lıseı dırektory Gaýhar Babaqova.

Al respýblıkalyq pán olım­­pıadasynda qazaq tili men ádebıeti páni boıynsha qa­­ty­­­syp, birinshi oryndy je­ńip alǵan kópsalaly da­ryn­­­dy balalarǵa arnalǵan lı­seı-ınter­natynyń oqýshysy Ka­­rına Rabe synaqtardy onlaın rejimde tapsyryp, olım­pıadalyq saıystardyń jańa formatyn meńgergenin aıtty.

Oblys ortalyǵyndaǵy qala mektepteriniń oqýshylary Ásem Dosmuhambet, Alına Kýzıat, Ǵumar Ernur, Nurbolat Arý­jan, Martens Mıla, Vıktorııa Bochkareva, Dıana Vakýlına, Bogdan Boreskıı, Arý­jan Janat, Omar Zakırov «Altyn medal» ıegerleri atandy.

– Men de qalalyq, oblystyq jáne respýblıkalyq pán olım­pıadalarynyń jeńimpazy atandym. Úlken izdenis, bilimge talpyný Berklı Kalıfornııa ýnıver­sıtetine oqýǵa túsý­ge jol ashty. Sizderge de úl­­ken jolda sát-sa­par bol­syn!­ – deıdi kezdesýge qatysý­shy­lardy quttyqtaǵan oblys ortalyǵyndaǵy №39 mek­tep­tiń 2009 jylǵy túlegi Baýyrjan Shaıhın.

Baýyrjanmen birge Kenje­kól aýyly mektebiniń túlegi, L.N.Gýmılev atyndaǵy Eýrazııa ult­tyq ýnıversıtetiniń doktoran­ty Aqjan Eginbaeva da oqý­shy­larǵa óz tilegin arnady.

– Olımpıada – jeke tulǵa men zııatkerlik múmkindikterdi damytýǵa arnalǵan qýatty resýrs. Bul sizderge rýhanı kúsh pen qabiletterińizge senimdilik beredi, – dedi.

Halyqaralyq jáne respýb­lıkalyq olımpıa­dalardyń jeńim­pazy Anton Draganchýktyń aıtýyn­sha, pavlodarlyq jas fızıkter quramasy ókilderiniń daryndy balalarǵa arnalǵan №8 lıseı­diń muǵalimi Anatolıı Bılı­dasyz jetistikke jetýi múm­­kin emes.

– Elimizdiń ulttyq qura­masyna ár óńirden eń úzdik 20 fızık jınaldy. Baqylaý tes­tiniń nátıjesi boıynsha
8 oqý­shy tańdaldy. Bıyl osy qatar­da bizdiń lıseıdiń úsh oqý­shysy boldy. Bizder Nazar­baev zııat­kerlik mektepteri men respýblıkalyq fızıka-mate­matıka mektepteri sııaqty bel­gili oqý oryndarynyń oqý­shy­larynan da úzdik atandyq. Árıne, bul jeńisimiz úshin Ana­tolıı Bılı­daǵa rahmet! – deıdi A.Draganchýk.

Sondaı-aq daryndy bala­larǵa arnalǵan Abaı atyndaǵy gımnazııa mektebiniń oqýshylary pán olımpıadalarynda 40-tan asa respýblıkalyq, 50-den asa oblystyq deńgeıdegi júl­de­lerge ıe boldy.

Mektep dırektory Saltanat Shabajanovanyń aıtýynsha, 10-synyp oqýshysy Aıjan Ken­jebaeva bıyl halyqaralyq olım­pıa­dalarda eki kúmis, úsh qola medal ıegeri atanǵan. Mektepte oqý­shy­lar úshin Gymnasium LIVE, Daryn, My first Lab jobalary júrgizilýde.

Pavlodar oblysy