Komanda quramy 6 adamnan turady. Oǵan dene jáne atys daıarlyǵynan joǵary kórsetkishterimen erekshelengen áskerı polısııa qyzmetkerleri kirdi.
«Tártip saqshysy» baıqaýy tórt kezeńnen turady. Birinshi kezeńde áskerı qyzmetshiler avtomat pen pıstoletten atý sheberlikterine jaryssa, ekinshide – juptasyp patrýl júrgizý mashyqtaryn kórsetedi. Olar turǵyndary bar aýyldarda shartty qarsylasqa atyspen shabýyl jasap saıysady. Úshinshi «Patrýldi narıad» kezeńinde atys, medısınalyq daıyndyq, radıasııalyq, hımııalyq, bıologııalyq qorǵanys jáne granatty dáldep laqtyrý normatıvterin oryndaıdy. Oǵan ekstermaldy elementter arqyly patrýldik avtokólikti júrgize otyryp, quqyq buzýshyny shabýylyn toıtarý men ustaý kiredi.
– Eń qıyny jáne sońǵy sheshýshi kezeń – «Júgirý» kezeńi. Buǵan uzyndyǵy 12 shaqyrymǵa sozylǵan tas joldaǵy tabıǵı jáne jasandy kedergilerdi eńserý kiredi, – dedi komanda jattyqtyrýshysy polkovnık Vıtalıı Fedorov.
Alǵash ret «Tártip saqshysy» baıqaýy 2017 jyly Armııa halyqaralyq oıyndary aıasynda ótkizilip, bizdiń komanda ekinshi oryn alǵan bolatyn.
