COVID–19 indetine qarsy ekpe alǵan stýdentter joǵary oqý oryndarynyń múmkindikterine baılanysty oqýǵa, jataqhanalarda turýǵa jeńildikter alyp, túrli syılyqtarǵa ıe bolady.
Osylaısha, joǵary oqý oryndary halyqtyń densaýlyǵyn qorǵaý úshin vaksınasııalaý qarqynyn kúsheıtý jónindegi jumysty qoldaıdy. Tek stýdentter ǵana emes, sonymen qatar joǵary oqý oryndarynyń ekpe saldyrǵan oqytýshylary da materıaldyq materıaldyq yntalandyrýǵa ıe bolady.
Ál-Farabı atyndaǵy QazUÝ, L.N. Gýmılev atyndaǵy EUÝ, Abaı atyndaǵy QazUPÝ, Q.I. Sátbaev atyndaǵy QazUTZÝ, M. Áýezov atyndaǵy OQÝ, M. О́temisov atyndaǵy BQÝ, H. Dosmuhamedov atyndaǵy Atyraý ýnıversıteti vaksınasııalaýdy qoldaý boıynsha aksııalardy bastap ketti. Birqatar joǵary oqý ornynyń stýdentteri úshin oqýǵa, jataqhanalarda turýǵa jeńildikter, saýyqtyrý shıpajaılaryna tegin joldamalar, tegin tamaqtaný jáne qoǵamdyq kólikti paıdalaný talondary qarastyrylǵan.
Sondaı-aq joǵary oqý oryndary vaksınasııalanǵan stýdentter úshin shet tilderi, kompıýterlik saýattylyq jáne kásipkerlik daǵdylardy damytatyn tegin kýrstar uıymdastyrýdy josparlap otyr. Sonymen qatar ekpe saldyrǵan keıbir ýnıversıtetterdiń stýdentteri fıtnes zaldaryna, basseınge, teatrǵa, kınoteatrǵa jáne konsertterge tegin bara alady.
Atalǵan joǵary oqý oryndarynyń oqytýshylary da nazardan tys qalmady. Vaksınasııalanǵan oqytýshylar qosymsha aqy nemese aqyly demalys alady.
«Joǵary oqý oryndaryn koronavırýstyń elde taralýy alańdatyp otyr. Vaksınasııa máseleleri men onyń sheshilý joldaryn joǵary oqý oryndarynyń ózderi qabyldaıdy. Mınıstrdiń tapsyrmasy boıynsha joǵary oqý oryndary stýdentter men oqytýshylardy vaksınasııalaýǵa shaqyryp, yntalandyrý boıynsha sharalar qabyldap jatyr. Bul aksııa bizdiń azamattardyń sanasyn oıatýǵa kómektesedi dep senemiz. Biz birlese otyryp, qaýipti vırýsty jeńe alamyz jáne karantın múmkindiginshe tez aıaqtalady dep úmittenemiz. Basqa joǵary oqý oryndaryn da vaksınasııany qoldaý úshin yntalandyrý sharalaryn uıymdastyrýǵa shaqyramyz. Sebebi bul koronavırýstyń taralýyn toqtatýdyń jalǵyz joly», dep atap ótti Bilim jáne ǵylym vıse-mınıstri Qýanysh Erǵalıev.
