Koronavırýs • 29 Maýsym, 2021

Qytaılyq CoronaVac vaksınasyn balalarǵa salýǵa ruqsat berilýi múmkin

110 ret kórsetildi

Qytaılyq CoronaVac vaksınasy úsh jastan asqan balalar úshin tıimdi jáne qaýipsiz. Bul týraly Lancet ǵylymı jýrnaly synaqtyń birinshi jáne ekinshi kezeń nátıjesine súıene otyryp jazǵan, dep habarlaıdy Egemen.kz.

Qytaılyq Sinovac Biotech Ltd bıofarmasevtıkalyq kompanııasy shyǵarǵan CoronaVac vaksınasy 3 jastan 17 jasqa deıingi balalar tobyna synalǵan. 2020 jylǵy 31 qazanynan 2 jeltoqsanǵa deıin júrgizilgen synaqtardyń birinshi kezeńine 72 adam qatysqan. 2020 jyldyń 12 jeltoqsanynan 30 jeltoqsanyna deıin ótkizilgen ekinshi kezeńge 480 adam qatysqan.

Klınıkalyq zertteýlerdiń birinshi kezeńinen keıin vaksına saldyrǵan balalardyń 100 paıyzynda antıdeneler anyqtalǵan. Ekinshi kezeńnen keıin antıdeneler preparattyń 1,5 mıkrogramm dozasyn alǵan balalardyń 96,8 paıyzynda, 3 mıkrogramm dozasyn alǵan balalardyń 100 paıyzynda anyqtalǵan. Plasebo alǵan balalarda antıdeneler tabylǵan joq, dep jazdy basylym.

Osy synaqtar nátıjesine súıensek, vaksınasııadan keıin 28 kún ishinde jaǵymsyz áser 1,5 mıkrogramm doza alǵan balalardyń 26 paıyzynda jáne 3 mıkrogramm doza alǵan balalardyń 29 paıyzynda tirkelgen. Kóp jaǵdaıda janama reaksııa ıneksııa ornynyń aýyrsynýy bolǵan.

Synaq nátıjeleri boıynsha ǵalymdar CoronaVac vaksınasy jaqsy tózimdi, qaýipsiz jáne balalar men jasóspirimderde ımmýndyq jaýap týdyrdy degen qorytyndyǵa kelgen.

Qytaılyq CoronaVac vaksınasynyń alǵashqy partııasy 1 maýsymda Almatyǵa kelgen bolatyn. Bul preparat Qazaqstan azamattaryna koronavırýsqa qarsy vaksınalaý úshin qoljetimdi tórtinshi vaksına. Vaksınany Pekın farmasevtıkalyq kompanııasy Sinovac shyǵarady.

Sońǵy jańalyqtar

Demalys kúnderi aýa raıy qandaı bolady

Aýa raıy • Búgin, 13:38

Reseıde oq-dári qoımasy órtendi

Oqıǵa • Búgin, 11:50

Búgingi valıýta baǵamy

Qarjy • Búgin, 10:17

Elimizde 9,5 mln adam ekpe saldyrdy

Koronavırýs • Búgin, 09:49

COVID-19: Elimizde 1338 adam emdelip shyqty

Koronavırýs • Búgin, 09:08

Qaıta kesilgen tusaý

Aımaqtar • Búgin, 08:58

Boz kilemde – burymdylar

Sport • Búgin, 08:55

«Barys» jeńiske jetti

Sport • Búgin, 08:54

Elenanyń ekpini kúshti

Sport • Búgin, 08:53

Uqsas jańalyqtar