«Osy jyldyń 29 maýsymy Nur-Sultan áýejaıy Jelilik polısııasynyń bóliminiń kezekshi bólimshesine «Eır-Astana» AQ áýe kompanııasynyń ókilinen tirkeý taǵynyndaǵy quqyq buzýshy týraly habarlama kelip túsken», dedi Kóliktegi polısııa departamenti basshysynyń orynbasary Qalıjan Qoblandın.
Oqıǵa ornyna patrýldik polısııa jasaǵy keldi. Tekserý barysynda kólik polıseıleri Shymkent qalasynyń 45 jastaǵy turǵynyn anyqtady, ol ózin durys ustamaǵan, qoǵamdyq orynda balaǵat sóz aıtqan.
Er adam Shymkentke ushpaqshy bolǵan. Biraq áýe tasymaldaýshysynyń ókilderi jolaýshyny «Nur-Sultan-Shymkent» baǵyty boıynsha ushatyn áýe reısiniń bortyna jibermedi.
Kezekshi bólimge jetkizilgen kezde quqyq buzýshy polısııa qyzmetkerleriniń zańdy talaptaryna baǵynbaǵan jáne bılik ókilderine qarsylyq kórsetken.
Medısınalyq kýálandyrýdyń qorytyndysyna sáıkes, «orta dárejede» mas bolǵandyǵy anyqtaldy.
«Oǵan qatysty polıseıler QR ÁQBtK-niń 440-baby 1-bólimi (Ákimshilik ishimdikterdi ishý nemese qoǵamdyq oryndarqa masań kúıde kelý) jáne QR ÁQBtK-niń 667-baby 1-bólimi (Quqyq qorǵaý organy qyzmetkeriniń zańdy ókimine nemese talabyna baǵynbaý) boıynsha ákimshilik hattamalar toltyrdy», dep qorytty Q. Qoblandın.
Sondaı-aq ol quqyq buzýshyǵa mas kúıinde qoǵamdyq oryndarǵa shyqqany úshin 5 AEK kóleminde aıyppul salynǵanyn atap ótti. Odan bólek, usaq buzaqylyq (QR ÁQBtK-niń 343-baby, 1-bólimi boıynsha) úshin úshinshi ákimshilik hattama jasalyp, prosessýaldyq sheshim qabyldaý úshin Shymkenttiń Mamandandyrylǵan aýdanaralyq ákimshilik sotyna jiberilgen.
