Bul ınnovasııalyq ǵylymı-óndiristik kompanııa agroónerkásip kesheni men qorshaǵan orta qajettilikteri úshin ushqyshsyz ushý keshenin jasady. Keshen eki ushqyzsyz ushý apparaty men jerdegi meteostansadan turady.
Birinshi dron borttaǵy meteostansamen jáne qozǵalys pen operator áreketin túzetý úshin baqylaý júıelerimen jabdyqtalǵan. Ekinshisi belsendi zatty bultqa tikeleı shashady. Jerdegi meteostansa jeldiń baǵyty men jyldamdyǵyn anyqtaıdy. Nimbus eki qozǵaltqyshty ushqyshynyń tehnıkalyq sıpattamalaryna kelsek, teńiz deńgeıinen 5500 metr bıiktikte 2 saǵat usha alady. Túzý ushý qashyqtyǵy – 140 shaqyrym, jyldamdyǵy – 72 sh/saǵ. Bul jaǵdaıda arnaıy kompozısııany shashyratatyn ekologııalyq qaýipsiz pırotehnıkalyq kartrıdjder reaktıv retinde jumys isteıdi.
«Biz júk kótergishtigi 10 kıloǵa deıin kóteretin dron jasadyq, ol bultty sebýge, ıaǵnı jasandy jańbyr týdyrýǵa qoldanylady. Biz mundaı jobalardy Qostanaı oblysynda synaqtan ótkizip jatyrmyz jáne Mańǵystaý oblysynda josparlanǵan. Qurǵaqshylyqqa baılanysty ósimdikter ǵana zardap shekpeıdi, janýarlarda da jeıtin eshteńe joq, jaǵdaı aıanyshty ekendigin ózderińiz de bilesizder», deıdi «KazTechInnovations» JShS joba menedjeri Ernur Tólegen.
Jasandy jańbyrdyń kómegimen qurǵaq ýaqytta óristerdi sýaryp, órtti sóndirýge bolady. Bul ádis qysta az qar jaýyp, óristerdi qarmen jabý úshin de qoldanylady. Búgingi kúni kompanııa ómirdiń túrli salalarynda ınnovasııalyq jobalardy júzegeasyrýda – sottalǵandarǵa arnalǵan elektrondy bilezikter, elektrmobıldi platformalar, qorshaǵan ortany baqylaý stansalary, meteorologııalyq stansalar, dárihana sensorlary, eńbek qaýipsizdigi datchıkteri, Growgreenme ósimdikterin otyrǵyzý monıtorıngi, Robostore avtomattary oılap tabyldy. Munaıdyń tógilýine qarsy turý úshin sferalyq dreıfti qaltqy túrinde ázirlendi.
Osy ýaqytta jasaýshylar kóp spektrli beınesi bar kartaǵa túsirýge, derekterdi qorǵaýǵa jáne áskerılerge, ekologterge, fermerlerge arnalǵan shıfrlaýmen ushqyshsyz ushý apparattaryna kóp kóńil bólýde.
«Ekologııa boıynsha máseleler bastalǵan kezde bizdi Zattar ınterneti qyzyqtyrdy. Mysaly, qazir Soft bóligin ázirleıtin qazaqstandyq kompanııamen birigip jatyrmyz. Bul lastanýdy baqylaýdyń avtomatty júıesi bolady, onda derekterdi berý dereý Ekologııa mınıstrliginiń serverlerine jiberiledi. Sonymen qatar biz parnıktik gazdar monıtorıngi boıynsha amerıkalyq jáne belgııalyq kompanııalarmen baılanysqa shyqtyq, arnaıy datchıkter ázirleýdi josparlap otyrmyz», deıdi «KazTechInnovations» JShS bas dırektory Taır Balbaev.
KTI zaýyty «Alataý» ınnovasııalyq tehnologııalar parkinde ornalasqan. Bul zaýyt – tolyq sıkldy óndiris: onyń ózindik konstrýktorlyq bıýrosy, metall óńdeý, qospa tehnologııalary, kompozısııalyq materıaldar óndirisi, plastmassa jáne sılıkondy qalyptaý, galvanıkalyq jabyndar men elektrondy buıymdardy ornatý sehtary bar. 2021 jyly «Alataý» ınnovasııalyq tehnologııalar parkinde 1 383 jańa jumys ornyn quraıtyn, 44,5 mlrd teńge somasyna 8 jobany júzege asyrý josparlanǵan.
ALMATY
