Álem • 01 Shilde, 2021

Reseıde koronavırýsqa qarsy qaıta vaksınalaý bastaldy

23 ret kórsetildi

Reseı óńirlerinde koronavırýs ınfeksııasyna qarsy qaıta vaksınalaý, sonymen qatar COVID-19-ben aýyryp shyqqandarǵa ekpe salý bastaldy. Bul týraly RF Densaýlyq saqtaý mınıstrliginiń baspasóz qyzmeti jýrnalısterge sársenbi kúni málimdegen, dep habarlaıdy Egemen.kz.

«Reseıdiń Densaýlyq saqtaý mınıstrligi «COVID-19-ǵa qarsy eresekterdi vaksınalaýdy júrgizý tártibi» ýaqytsha ádistemelik usynymdaryn bekitti. О́ńirlerde revaksınasııa jáne aýyryp shyqqandarǵa ekpe salý bastaldy», delingen habarlamada.

Usynymdarǵa sáıkes, azamattar elde tirkelgen kez kelgen vaksınalyq preparatty ektire alady. Degenmen birinshi dozany saldyrǵannan keıin naýqasta jaǵymsyz áserler paıda bolsa, onyń qalaýymen, qarsylyqtar bolmaǵan jaǵdaıda, vaksınany almastyrýǵa múmkindik beriledi. Atap ótilgendeı, RF-da ujymdyq ımmýnıtet kerekti deńgeıde qalyptaspaıynsha, qaıta vaksınalaý nemese aýyryp shyqqannan keıin jarty jyl ótken soń ekpe salýǵa keńes beriledi. Bul kezeń «shuǵyl vaksınalaý» dep atalady.

Ujymdyq ımmýnıtettiń maqsatty deńgeıine jetkennen keıin «qalypty vaksınalaýǵa» kóshý júzege aspaq. Ol josparly túrde jazylyp shyqqannan nemese qaıta vaksınalaýdan keıin 12 aı ótken soń egýdi kózdeıdi.

 

 

Sońǵy jańalyqtar

Uqsas jańalyqtar