Qazaqstannyń atynan halyqaralyq deńgeıdegi baıqaýǵa Nur-Sultan, Almaty jáne Oral qalalarynan Maqsotov Jambyl, Muqymbekov Mansur, Ashýrov Áltaıyr, Sahmoldın Mýhammadarıf esimdi tórt oqýshy qatysty. Olar olımpıadanyń eki kezeńinde alty algorıtmdik tapsyrmany oryndap, nátıjesinde tórteýi de qola medal ıelendi.
«Qazaqstandyq oqýshylardyń halyqaralyq zııatkerlik jarystardaǵy jetistikteri bilim sapasy men otandyq jattyqtyrýshylardyń joǵary qabiletin, ata-analardyń qoldaýy men oqýshylardyń erik-jigerin kórsetedi. Jeńimpazdardy laıyqty jeńisterimen quttyqtaımyz! QR Bilim jáne ǵylym mınıstrligi oqýshylardyń ózin-ózi damytýy úshin qolaıly jaǵdaı jasaýdy jalǵastyratynyn atap ótkimiz keledi», dedi QR BǴM Mektepke deıingi jáne orta bilim komıtetiniń tóraıymy Maıra Meldebekova.
Aıta keteıik, tórt oqýshy da – ınformatıka páni boıynsha Respýblıkalyq pándik olımpıadanyń júldegerleri men jeńimpazdary. Oqýshylardy elimizdiń jetekshi IT ýnıversıtetteriniń jattyqtyrýshylary daıyndady.
