Árbir shyǵynyn eseptep baryp, tapsyrys alǵan merdigerler búginde ne isterlerin bilmeı qaldy. Sebebi, qurylys materıaldarynyń jyldyń basyndaǵy baǵasy men qazirgi quny jer men kókteı. Ásirese sement, beton, jylytqyshtar men metalda aıqyn seziledi.
Qazaqstan Qurylysshylar odaǵy tóraǵasynyń orynbasary Benıamın Faızýllın jaǵdaı osylaı jalǵasa berse, elde qurylys múlde turalap qalýy múmkin ekenin aıtady. Sebebi memlekettik baǵdarlama aıasynda tapsyrys alǵan merdigerler shıkizat qunynyń qymbattaýynan shyǵynǵa batqan. Sondyqtan olar áý bastaǵy kelisimshartqa túzetýler engizip, qosymsha qarjy bólýdi surap otyr. Qazir Odaq atalǵan máseleni tıisti organdarǵa jetkizgenin habarlady. Alaıda nátıje joq. Al qurylys materıaldarynyń quny ósken ústine ósip barady.
Máselen, armatýranyń tonnasy búginde 430 myń teńgeden saýdalanyp jatyr. Baǵa byltyrmen salystyrǵanda 232%-ǵa artqan. M-400 markaly sementtiń quny 36 myń teńge dep belgilengen. О́sim 218%-dy quraıdy. Jalpy naryqta bul shıkizatqa tapshylyq bar.
Sol sııaqty betondy jetkizip berý qyzmetimen 23 myń teńgege alýǵa bolady. Onyń quny 114%-ǵa kóterilgen. Kirpish te qymbattady. Bir danasy - 80 teńge.
