Múlik ıeleriniń birlestigi – úıdi basqarýdyń jańa formasy. Ol birqatar artyqshylyqqa ıe. Birinshi kezekte bul kóppáterli úılerdegi ortaq múlikti paıdalanýǵa bógde uıymdardyń emes, menshik ıeleriniń ózderi jaýap beretindigimen erekshe, dep habarlaıdy Nur-Sultan ákimdiginiń resmı saıty.
MIB basqarý formasy páter ıelerine úıdi basqarý, bólinetin qarajat somasy jáne ony qandaı qajettilikterge jumsaý kerektigin, qyzmet jetkizýshisin jáne olardy usyný jıiligin tańdaýǵa múmkindik beredi.
Tájirıbe júzinde syrtqy uıymdar kóppáterli turǵyn úılerdegi jalpy úı múlkin basqarý jáne kútip ustaý sekildi mindetterin tıisti deńgeıde atqarmaıtynyn kórsetti.
Menshik ıeleri ózderi tóleıtin 100% tarıftiń aı saıyn 30%-y basqarýǵa, al 70%-y jalpy úı múlkin paıdalaný jáne ustaý qaǵıdaty boıynsha jumsalatynyn bilýi tıis.
PIK pen ózge de uıymdardyń úıdi kútip ustaý jónindegi mindetterin oryndamaıtyny týraly shaǵym jıi-jıi qozǵalady.
Mundaı jaǵdaılardyń aldyn alý úshin úı ıeleri basqarý formasyn, atap aıtqanda MIB-ti tańdap, jınalys ótkizip, ony tirkeýi kerek.
Esterińizge sala keteıik, ortaq múliktiń saqtalýy men qyzmet kórsetý sapasy úshin menshik ıeleri arnaıy jaýapty bolady.
Osyǵan qatysty tolyq aqparatty Respýblıka kóshesi, 32 mekenjaıynda ornalasqan MIB ortalyǵynan alýǵa bolady.
