Tájikstan tarapynyń bastamasymen Memleket basshysy Qasym-Jomart Toqaev Tájikstan Prezıdenti Emomalı Rahmonmen telefon arqyly sóılesti.
Áńgimelesý barysynda eki el Prezıdentteri Aýǵanstandaǵy jaǵdaıdyń shıelenisýine baılanysty Ortalyq Azııa aımaǵyndaǵy ahýal jóninde jan-jaqty pikir almasty. Qazaqstan Prezıdenti Tájikstanmen aradaǵy dostyq qatynastardyń myzǵymastyǵyn naqtylady.
Prezıdent Qasym-Jomart Toqaev 19-20 mamyrda Dýshanbege jasaǵan saparynyń barysynda qol jetkizilgen ýaǵdalastyqtardy Qazaqstannyń oryndaıtynyn jáne baýyrlas tájik halqyna beriletin kómekti jalǵastyra beretinin aıtty.
Memleket basshylary aımaqtaǵy ahýal jaıynda ózara aqparat almasý jáne is-qımyldardy úılestirý maqsatynda turaqty baılanys jasap turýǵa kelisti.
