«Osy tamasha fılm úshin Olıver Stoýn, Igor Lopatenok, Igor Kobzev, kompozıtor Karlo myrzalarǵa, búkil túsirilim tobyna, osy jobaǵa atsalysqan árbir adamǵa óz atymnan, Mádenıet jáne sport mınıstrliginiń atynan aıryqsha alǵys aıtqym keledi», deıdi mınıstr.
Onyń aıtýynsha, bul - Tuńǵysh Prezıdent týraly túsiriletin sońǵy fılm emes. «Elbasynyń tulǵasy týraly áli talaı fılm túsiriledi dep oılaımyn, kóptegen kitaptar jazylady. Olıver Stoýn myrza aıtqandaı, álem kóshbasshysy – bul bizdiń Nursultan Ábishuly Nazarbaev. Elbasy tulǵasynyń aýqymyn taný arqyly, táýelsizdigimizge 30 jyl tolǵanyn maqtan tutamyz», degen Aqtoty Raymqulova Elbasynyń táýelsizdik jolyndaǵy eńbegine de toqtaldy.
«Biz óte baqytty halyqpyz, osyndaı ádemi jerde ómir súrip jatyrmyz. Biz – uly tarıhtyń, uly mádenıettiń muragerlerimiz. Elbasy Nursultan Ábishuly Nazarbaev memleket basynda bolyp, bizge táýelsizdik ákeldi», dedi Mádenıet jáne sport mınıstri.
