Memlekettik attestasııa profılaktıkalyq baqylaý úlgisinde ótkiziledi. Negizgi maqsat – jalpyǵa mindetti memlekettik bilim berý standartynyń talaptaryn oryndaý sharalaryn qadaǵalaý. Sondaı-aq bilim berý uıymdaryna ádistemelik kómek beriledi. Bul týraly bilim salasyndaǵy sapany qamtamasyz etý departamentiniń basshysy Gúlnár Ermekbaeva arnaıy brıfıngte aıtty.
Tekserý jumystary qashyqtan ótedi. Bilim berý uıymdary qujattardyń elektrondy nusqasyn sarapshylarǵa jiberedi.
Attestasııa aıasynda oqýshylardyń bilim deńgeıi baǵalanady, keshendi testileý ótkiziledi. Bastaýysh synyptarda – eki pán, negizgi ortasha bilim úshin – úsh pán, al jalpy orta bilim alýshylar tórt pán boıynsha test tapsyrady.
Kásibı-tehnıkalyq bilim berý uıymdarynda eki salalyq pán boıynsha testileý uıymdastyrylady.
Al mektepke deıingi bilim berý jáne tárbıeleý aıasynda ata-analar arasynda saýalnama júrgiziledi.
G.Ermekbaevanyń aıtýynsha, bul halyqaralyq tájirıbe.
Aıta keteıik, memlekettik attestasııa bes jylda bir ret uıymdastyrylady. Sonyń aıasynda menshik formasyna qaramastan, barlyq bilim berý uıymy tolyǵymen tekseriledi.
