Respýblıkanyń basym bóliginde qubylmaly aýa raıy saqtalady. Naızaǵaı jarqyldap, jańbyr kútiledi, batysta, soltústik-batysta – qatty jańbyr jaýady. Elimizdiń tek soltústiginde ǵana joǵary qysymdy alqaptyń áserinen jaýyn-shashynsyz aýa raıy kútiledi.
Respýblıkanyń keı jerlerinde shańdy daýylmen jel soǵady, batysynda, soltústik-batysynda jáne shyǵysynda – burshaq kútiledi.
Aqmola oblysynda burshaq jaýady, jel 15-25 m/s shańdy daýylmen soǵady.
Batys Qazaqstan, Aqtóbe oblystarynda da burshaq, daýyl kútiledi.
Mańǵystaý, Atyraý oblystarynda shańdy daýyl kúsheıedi.
Túrkistan oblysynda tańerteń jáne kúndiz keı jerlerde jeldiń ekpini 15-20 m/s deıin jetedi.
Qyzylorda oblysynda shańdy daýyl bolady.
Qostanaı oblysynda jel, burshaq, daýyl bolady dep boljanýda.
Jambyl, Qaraǵandy, kúndiz Soltústik Qazaqstan, Pavlodar oblystarynda jel 15-20 m/s kúsheıedi.
Kúndiz Qostanaı, Shyǵys Qazaqstan oblystarynyń ońtústiginde qatty ystyq kútiledi, Qaraǵandy oblysynyń ońtústiginde qatty ystyq saqtalady.
Almaty, Jambyl, Túrkistan oblystarynda qatty ystyq, keı jerlerinde óte qatty ystyq saqtalady.
Qyzylorda, Túrkistan, Mańǵystaý, Atyraý, Jambyl, Aqtóbe oblystarynyń basym bóliginde,
Qostanaı, Qaraǵandy, Batys Qazaqstan, Almaty oblystarynyń keı jerlerinde óte joǵary órt qaýpi saqtalady.
