О́tken aımen salystyrǵanda EEB-daǵy bos jumys oryndarynyń sany 28%-ǵa, al túıindemeler sany 6%-ǵa ósti. Bos jumys oryndarynyń sany eldiń ońtústik oblystarynda kóbirek ashyldy.
Bos oryndardyń úshten bir bóligi tómen biliktilikti talap etetin kásipterge jatady. Suranys boıynsha ekinshi orynda – ónerkásip jumysshylar, úshinshi orynda – kásibı mamandar.
Sala boıynsha jikteıtin bolsaq, maýsym aıynda aýyl sharýashylyǵy jáne qurylys salalary jáne ózge de qyzmetter suranysqa ıe úshtikti qurady. Osy úsh sala boıynsha bir aı ishinde 20 myńnan astam bos jumys ornyn jarııalanǵan.
Ortalyqtyń jazýynsha, bilikti emes jumysshylardyń eńbekaqysy 7,9 myńǵa, ónerkásip jumysshylarynyki - 3,9 myńǵa, qyzmet kórsetý jáne satý salasyndaǵy qyzmetkerlerdiki 2,9 myńǵa ósken.
Atap aıtqanda, biliktiliktiń bolýyn talap etpeıtin kásipter arasynda bir aı ishinde qosalqy jumysshylarǵa, kógaldandyrý jónindegi jumysshylarǵa, ártúrli jumystardy oryndaýmen aınalysatyn jumysshylarǵa suranys artty, óıtkeni aýyl sharýashylyǵy men qurylysta maýsymdyq jumystar jandandy.
О́nerkásip jumysshylary arasynda tiginshiler, slesar-jóndeýshiler, avtoslesarlar jáne elektromonterlarǵa suranys kóbirek ósti.
Qyzmet kórsetý jáne satý salasyndaǵy qyzmetkerler arasynda kúzetshilerge, aspazdarǵa jáne tárbıeshi kómekshilerine suranys artty.
Jekelegen bilikti mamandyqtardy qarastyra otyryp, maýsym aıynda konsýltant-satýshy (323 túıindeme jáne 1581 bos jumys orny), avtomobıl júrgizýshisi (872 túıindeme jáne 1854 bos jumys orny) jetispeıtinin atap ótken jón.
Meıirbıkelerge/meıirgerlerge degen suranys ta joǵary (628 túıindeme jáne 1249 bos jumys orny).
Biliktiligi joq qyzmetkerlerdiń arasynda júk tıeýshiler, qosalqy jumysshylar, túrli jumystardy oryndaýmen aınalysatyn adamdar, as úı jumysshylary jetispeıdi.
Maýsym aıynda eń tapshy mamandyqtar qataryna biliktiligi joq qurylys jumysshylary men ferma sharýashylyǵyndaǵy túrli jumystardy oryndaýmen aınalysatyn jumysshylar qosyldy.
Al maýsym aıynda artyq dep tabylǵan mamandar ishinde mal ósirýshiler, zańgerler, fırma dırektorlary jáne tehnık-baǵdarlamashylar, eldi mekenderdi abattandyrý boıynsha jumysshylar, vahterler men konserjder, kýrerler, sondaı-aq aýmaqtardy abattandyrý boıynsha jumysshylar kirdi.
