BQO sanıtarlyq-epıdemıologııalyq baqylaý departamentiniń málimeti boıynsha, koronavırýsqa shaldyqqan 732 adamnyń 531-inde aýrý belgileri bar bolsa, 201-i - sımptomy joqtar.
Indet juqtyrǵandardyń 471-i JRVI belgileri boıynsha tekserilgse, 106-sy buryn aýyrǵandarmen qarym-qatynasta bolǵan. 107-sinen profılaktıkalyq maqsatta, al 6 adamnan stasıonarǵa jatqyzar aldynda synama alynǵan.
Tórt kúnde aýrýy anyqtalǵandardyń 328-i Oral qalasy, 123-i Báıterek, 101-i Bórli, 34-i Terekti, 27-si Aqjaıyq aýdanynyń úlesine tıedi.
Pandemııa bastalǵan kezeńnen beri óńirde barlyǵy 26188 naýqas tirkelip, sonyń 20735-i jazylyp shyqsa, 418-i kóz jumdy.
Epıdemıologtardyń aıtýynsha, indet kózi qoǵamdyq kólikterde, adamdar jıi jınalatyn jerlerde. saýda úılerinde, medısına uıymdarynda, qoǵamdyq tamaqtandyrý oryndarynda jıi taralady. Sondaı-aq, buryn aýyrǵandarmen qarym-qatynasqa túsý kezinde, eske alý, toı-tomalaqqa barǵanda da karantındik talaptar saqtalmasa, jumys oryndarynda da juǵýy yqtımal.
Eske sala ketsek, budan buryn Batys Qazaqstanda sońǵy aptada koronavırýs juqtyrǵandar sany 41 paıyzǵa ósip, osyǵan baılanysty qosymsha shekteý sharalaryn engizý usynylǵan bolatyn.
