Júrgizýshilerdiń aldynda avtokólikti qaıta tirkeý kezinde saqtandyrý polısin deldaldar arqyly resimdeý qajettiligi joıyldy. Endi ony birden avtosonnan satyp alýǵa bolady. Atalǵan qyzmetti kórsetý boıynsha pılottyq joba Nur-Sultan, Almaty jáne Shymkent qalalarynda osy jyldyń maýsym aıynan bastap bastaldy.
«Jańa joba mamandandyrylǵan HQKO-lardyń aldynda turyp avtokólik ıelerine óz qyzmetterin usynatyn zańsyz «kómekshilerge» baılanysty máselelerdi sheshýge kómektesedi. Eger pılottyq joba sátti ótse, biz elimizdiń basqa mamandandyrylǵan HQKO-larynda da saqtandyrý qyzmetin engizemiz», dep habarlady korporasııa tóraǵasynyń birinshi orynbasary Súıenish Ábdildın.
Qaıta tirkeýden keıin avtokólik ıeleri aqparattyq júıelerdi biriktirgenderdiń ishinen saqtandyrý kompanııasyn ózderi tańdaı alady. Pılottyq joba iske qosylǵannan beri mamandandyrylǵan HQKO klıentteri azamattyq-quqyqtyq jaýapkershiliktiń úsh júzden astam shartyn jasasty.
