Ortalyq kommýnıkasııalar qyzmetinde ótken brıfıng barysynda BAQ ókilderiniń osy jáne ózge de suraqtaryna «Azamattarǵa arnalǵan úkimet» memlekettik korporasııasy» KeAQ basqarma tóraǵasy Ádil Qojyqov pen onyń orynbasarlary jan-jaqty jaýap berdi.
Elimizde jyl sońyna deıin bultty elektrondy sıfrlyq qoltańba engizý josparlanýda. Bul – «Azamattarǵa arnalǵan úkimet» usynyp otyrǵan jańa servısterdiń biri. Basqarma tóraǵasynyń birinshi orynbasary Súıenish Ábdildınniń málimdeýinshe, ótken jyly 4,8 mıllıon qazaqstandyq ESQ alý úshin halyqqa qyzmet kórsetý ortalyǵyna kelgen. «Bul barlyq ótinishterdiń 30 paıyzyn qurady. Osyǵan oraı, qazirgi tańda Sıfrlyq damý mınıstrligi «Ulttyq aqparattyq tehnologııalar» AQ-pen birlesip bultty ESQ engizý máselesin pysyqtaýda. Bul joba sıfrly qoltańba alý prosesin aıtarlyqtaı jeńildetýge múmkindik beredi. Bul sheshim halyqty onlaın rejimge kóshirýdiń kilti bolady dep sanaımyz», deıdi spıker.
Ol sondaı-aq halyqtyń kópshiligi memlekettik qyzmet alý úshin áli kúnge deıin HQO-ǵa kelýdi jón kóretinin málimdedi. «Qyzmetterdi taldaý tek 6 qyzmet túri qyzmet alýshylardyń 75 paıyzyn qamtıtynyn kórsetip otyr», degen S.Ábdildın óz sózinde bultty ESQ-nyń qalaı jumys isteıtinin de túsindirip ótti.
«Elektrondy qoltańba bıometrııalyq derekter boıynsha jumys isteıdi. О́tken jyldyń kúzinen bastap mGov mobıldi qosymshasynda avtorlandyrý jáne bıometrııalyq derekter arqyly tirkeý iske qosyldy. Júıeniń ózi faıldyq bolmaıdy, al ESQ qashyqtaǵy serverlerde saqtalady. Sıfrly qoltańba bıometrııalyq sáıkestendirý arqyly alynady. Sol sebepti qyzmet alýshylarǵa burynǵydaı únemi ózderimen birge jeke kýálikterin nemese fleshka men kompıýterde ESQ alyp júrý mindetti emes. Halyqtyń deni qyzmet kórsetý ortalyqtaryna flesh-dıskilerin joǵaltyp alyp, elektrondy qoltańbalaryn jańartý úshin keledi. Al eger ESQ bultty bolǵan jaǵdaıda bul derektiń barlyǵy qashyqtaǵy serverde saqtalyp turady. Adamdar jeke basyn bıometrııalyq rastaǵan kezde qoltańbany avtomatty túrde shyǵaryp alyp, tıisti qujattarǵa qol qoıa alady», dep túsindirdi spıker.
Sondaı-aq endi azamattar HQO-ǵa kelgen kezde kassaǵa kezekke turyp, ýaqyt ozdyrmaı birden Homebank, Kaspi.kz qosymshalaryndaǵy QR kodtyń kómegimen memlekettik qyzmetter úshin tez jáne qaýipsiz tólem jasaı alady.
QR kodpen, mysaly, jer ýchaskelerine aktilerdi daıyndaý jáne berý, jyljymaıtyn múlikke quqyqtardy tirkeý, kondomınıým obektisin jáne jer qatynastary, jyljymaıtyn jáne jyljymaly múlik, sondaı-aq zańdy tulǵalardy memlekettik tirkeý salasyndaǵy basqa da memlekettik qyzmetter úshin tólem jasaýǵa bolady. Al QR tólemdi paıdalana almaıtyn klıentter úshin banktermen birlesip, HQO operatorlarynda POS termınaldar ornatý máselesi de sheshilýde.
Brıfıng barysynda basqarma tóraǵasy Ádil Qojyqov «Azamattarǵa arnalǵan úkimettiń» memlekettik qyzmetterdi kórsetýde elimizdegi biryńǵaı provaıder ekenin atap ótip, tórt túrli mekemeniń qosylýynan paıda bolǵan korporasııanyń qurylǵanyna bıyl 5 jyl tolǵanyn da eske salyp ótti.
«Kópshilik bizdi halyqqa qyzmet kórsetý ortalyqtaryna jaýapty mekeme retinde biledi. Alaıda odan bólek, jer kadastry, jyljymaıtyn múlik, áleýmettik tólemder men zeınetaqyny esepteý, zańdy tulǵalardy tirkeý sııaqty baǵyttarymyz bar. Korporasııa memlekettik reestrdegi 659 qyzmet túrin kórsetedi. Bes jyl ishinde qazaqstandyqtarǵa 150 mıllıonnan astam qyzmet kórsetildi», dedi basqarma tóraǵasy.
Qazirgi tańda memlekettik korporasııada 22 myń maman jumys istese, oblystar men úsh megapolıste barlyǵy 17 fılıaly iske qosylǵan. Sonymen qatar aýyl-aýdandardy qamtıtyn 339 halyqqa qyzmet kórsetý ortalyǵy, jyljymaıtyn múlik pen jer kadastry, áleýmettik tólemder boıynsha barlyǵy 442 bek-ofıs ashylǵan. Budan bólek, shalǵaı jatqan eldi mekenderge baratyn 69 mobıldi HQO qyzmet kórsetedi.
