Endi jabyq jaǵajaılar men akvaparkterdiń, onyń ishinde basseınderdiń; qalalyq jaǵajaılardyń, onyń ishinde ruqsat etilmegen jáne ashyq aýadaǵy akvaparkterdiń; serýendeýge arnalǵan sý kólikteriniń (teplohodtar, katerler, qaıyqtar, katamarandar, sý motosıklderi jáne t.b.), kınoteatrlardyń jumysyna tyıym salynady.
Túngi klýbtarǵa «Ashyq» jobasy aıasynda jumys isteýge ruqsat etilmegen. Al endi túngi klýbtardyń jumys isteýine tolyqtaı tyıym salynady. «Ashyq»-syz jumys isteıtin jazǵy tamaqtaný oryndarynyń jumysy demalys kúnderi toqtatylady.
Sondaı-aq jeksenbi kúnderi qoǵamdyq kóliktiń jumysy toqtatylady. Avtobýstarǵa dezınfeksııa júrgiziledi.
Budan bólek qoǵamdyq tamaqtaný nysandary úshin jumys ýaqyty («Ashyq» jobasynsyz jumys isteıtin) ornalasqan jerine qaramastan meıramhana, kafe jáne kofehanalar jumys kúnderi saǵat 07:00-den 20:00-ge deıin jumys isteıdi. Al senbi jáne jeksenbi kúnderi jumys isteýine tyıym salynady. Sondaı-aq ashyq aýada (jazǵy oryndar) isteıtin tamaqtaný oryndary jumys kúnderi saǵat 07:00-den 22:00-ge deıin jurtshylyqty qabyldasa, senbi jáne jeksenbi kúnderi jumys isteýine tyıym salynady. Al tamaqty jetkizý, ózimen birge alyp ketý shtattyq rejımde júredi.
«Ashyq» jobasyna qatysatyn qoǵamdyq tamaqtaný nysandary úshin dúısenbi-juma kúnderi mekeme ishinde 07:00-den 22:00-ge deıin jumys isteýine ruqsat etilse, senbi men jeksenbi kúnderi ǵımarat ishinde jumys isteýine tyıym salynady. Al ashyq aýada aptanyń barlyq kúninde 07:00-den 00:00-ge deıingi rejım belgileý josparlanyp otyr.
Eger meıramhanalarda/kafelerde nemese ózge de mekemelerde merekelik is-sharalar, jıyn-toılar ótkizilse, nysannyń jumysy birden toqtatylady.
Qalada karantındik qatań normalardy engizbes úshin ujymdyq ımmýnıtet damýy qajet. Al ujymdyq ımmýnıtettiń úlesi 60%-dan asýy tıis. Qazirgi ýaqytta qalada vaksınanyń birinshi komponentin 270 myńnan astam adam aldy.
