Prezıdent kómekshisiniń aıtýynsha, kásipkerler qatań ákimshilik qysymǵa túskeni týraly jıi shaǵymdanyp, aryz jazady.
«Bul jerde kásipkerler men zańbuzýshylar arasynda balans bolý kerek. El basshylyǵy bıznesti qoldaýdy tapsyryp otyr. Prezıdent reıderlikke jaýapkershilikti kúsheıtý týraly zańǵa qol qoıdy. Kóp jaǵdaıda ony laýazymdy tulǵalar buzady. Osyǵan kóńil aýdarý kerek», dedi Prezıdent kómekshisi.
Áset Isekeshev antıkordyń jeke qurymy jemqorlyqtan taza bolýy kerek ekenin aıtty. Onyń pikirinshe, jaqynda Atyraý oblysynda jedel qyzmetkeriniń asa iri kólemde paramen ustalýy osyǵan dálel bola alady.
«Osy baǵyttaǵy jumysty kúsheıtý kerek. Mundaı derekter qoǵamda negatıv pikirdi kóbeıtedi. Sondyqtan jeke qurammen jumysty kúsheıtý kerek», dedi ol.
