Aımaqtar • 09 Shilde, 2021

COVID-19: Batys Qazaqstanda 700-den astam adam aýrýhanada jatyr

35 ret kórsetildi

Batys Qazaqstan oblysynda koronavırýsten emdeıtin arnaıy stasıonarlarda emdelip jatqan naýqas sany 731-ge jetti. Indet bastalǵaly oblysta 420 adam COVID-19-dan kóz jumǵan, dep jazady Egemen.kz.

Osy kezge deıin Batys Qazaqstan oblysynda koronavırýs ınfeksııasyn juqtyrǵan 26 379 adam tirkelgen eken. Indet juqtyrǵandardyń 78,6-%-y, ıaǵnı 20 735 adam jazylyp shyqqan. Sonyń ishinde 9 668 adam stasıonarlyq, 11 067 adam ambýlatorııalyq em alǵan.

- Shildeniń 9-ynda oblystyń ınfeksııalyq stasıonarlaryndaǵy 97 reanımasııalyq tósek-orynda 54 naýqas emdelip jatyr. Jansaqtaý bólimderiniń tolymdylyǵy 60 paıyzǵa taıady, - deıdi oblystyń bas sanıtar dárigeri Muhamǵalı Aryspaev.

Reanımasııalyq tósekte jatqan naýqastar negizinen jasy 60-tan asqan egde jandar. Júrek-qan tarymy, dıabet sekildi qosalqy dertter koronavırýstyń qaýiptiligin kúsheıte túsedi. Sondyqtan mamandar qarııalarǵa, sozylmaly derti bar jandarǵa saqtyq sharalaryn kúsheıtýdi, kópshilik oryndarǵa barmaýdy eskertýde.

Sońǵy málimetterge qaraǵanda, koronavırýsqa qarsy vaksınanyń II komponentimen óńirde barlyǵy 71 502 adam egilgen. Bul jalpy oblys halqynyń 10 paıyzynan sál ǵana artyq.

- Bul óte az! Turǵyndardyń basym kópshiligi ekpe almaıtyn bolsa, koronavırýstyń taralý qarqynyn tejeý múmkin emes, - deıdi Muhamǵalı Aryspaev.

Oblysta ekpe jumysy bıylǵy 1 aqpanda bastaldy. Sodan beri óńirge vaksınanyń 320 050 dozasy kelip túsken. Munyń 188 000 dozasy – I komponent, 132 050 doza II komponent. Onyń ishinde Reseıde óndirilgen «Spýtnık V» vaksınasy247 050 doza. Otandyq «QAZVAS» vaksınasy 7 000 doza, Birikken Arab ámirlikterinde óndirilgen «Hayat - Vax» vaksınasy 50 000 doza, Qytaıda óndirilgen «CoronaVac» vaksınasy 16 000 doza eken.

Jalpy oblys boıynsha vaksınanyń I komponentimen 122 187 adam egilgen. 91 092 adam – «Spýtnık V» ekpesin, 1 959 adam - «QazVac»-ty, 22 901 adam - «Hayat - Vax» vaksınasyn, 6 235 batysqazaqstandyq «CoronaVac»-ty tańdaǵan.

- Halyqty COVID-19 koronavırýstyq ınfeksııasynan qorǵaýdyń jalǵyz ári tıimdi joly vaksınasııalaý. Ekpeniń arqasynda adamzat sheshek synda asa qaýipti aýrýdy jeńip, dıfterııa, qyzylsha, sirespe jáne taǵy basqa aýyr ınfeksııalyq aýrýlarǵa qatysty salystyrmaly epıdemıologııalyq turaqtylyqqa qol jetkizdi. Dúnıejúzilik densaýlyq saqtaý uıymynyń usynymy boıynsha ujymdyq ımmýnıtet qalyptastyrý úshin halyqtyń 60%-dan kem emes bóligi vaksınasııalanýy tıis. Aımaqta epıdemıologııalyq jaǵdaıdyń nasharlaýyna jol bermeý úshin sanıtarlyq normalardy qatań saqtaıyq, adam kóp jınalatyn qoǵamdyq oryndarǵa barmaıyq, – deıdi óńirdiń bas sanıtar dárigeri.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar