Kórme Elbasy kitaphanasynyń «Mádenıet arqyly únqatysý» halyqaralyq kórme jobasy aıasynda Qazaqstan Respýblıkasyndaǵy Koreıa Respýblıkasy elshiliginiń Koreı mádenıet ortalyǵymen birlesip, Nursultan Nazarbaev qorynyń kómegimen uıymdastyryldy.
Kórmeniń ataýy kezdeısoq tańdalǵan joq.«Signal of Light» qazirgi zamanǵy kórkem tilge, tyń tehnıka salasyna qyzyǵatyn kórermenderdi qyzyqtyrýǵa baǵyttalǵan. Lı Inamnyń sıfrlyq týyndylary beıne, dybys, qozǵalys arqyly kórermenniń shyǵarmamen baılanys ornatýyna, ózin qurylǵan keńistiktiń ishinde sezinýge múmkindik beredi.
Kórmeni Elbasy kitaphanasynyń Mýzeı qundylyqtaryn esepke alý jáne saqtaý qyzmetiniń basshysy Kúláısha Aqtaeva ashty.
«Bul kórme nesimen qyzyq? Munda jıyrma jyldan beri belsendi damyp kele jatqan baǵyt usynylady. Ony keıbireýler medıa-óner dese, endi biri dıdjıtal óner dep ataıdy. Osy jobanyń avtory Lı Inam myrzamen habarlasyp, onyń jumysyn tereń zertteı kele, biz jalpy bir arnaǵa toǵysý ıdeıasyn kóterdik. Kórmede adamnyń kúndelikti kúıbeń tirshilikten sál aıańdap, erteńgi kún týraly oıǵa shomyp, kez kelgen kedergilerge qaramastan aldaǵy múmkindikterdiń sheksizdigin kórsetetin bes kartına usynylǵan», dedi ol.
О́z kezeginde Koreıa Respýblıkasynyń elimizdegi Tótenshe jáne О́kiletti Elshisi Ký Hong-sok Táýelsizdiktiń 30 jyldyǵynda Qazaqstannyń astanasynda ashylǵan kórmeniń erekshe mánge ıe ekendigin aıtyp, onyń jahandyq pandemııa jaǵdaıynda qazirgi zamanǵy ónerdiń barlyq áýesqoılary úshin jubanysh bolatynyna senim bildirdi.
«Kórme álemge áıgili koreıalyq medıa-sýretshi Pek Nam Djýnnyń murasyn jalǵastyrýshy Lı Inamnyń eń alǵashqy ári jańa týyndylary arqyly sizderge Koreıanyń mádenıeti men sulýlyǵyn jetkizý úshin uıymdastyryldy. Búgingi kórmede sýretshi Lı Inam shyǵystyń dástúrli jáne batystyń zamanaýı sýretshileriniń shyǵarmalaryna súıene otyryp, medıa-óner arqyly Shyǵys pen Batys shekaralarynan asqantarıh pen áńgimelerdi jarqyratyp kórsetti», dedi elshi.
Indet álem men adamzat kózqarasyn ózgertti. Oqshaýlanýǵa májbúrlik betpe-bet kezdesý múmkindigin yǵystyrdy. Alaıda bul ózgerister jańa múmkindiktediń paıda bolýyna septigin tıgizdi. Bir-birimizben tildesý úshin biz sıfrlyq medıaǵa bet burdyq.
Sıfrlyq tehnologııalardy engizý – Qazaqstan memlekettik saıasatynyń basym baǵyty.
Qazaqstan Respýblıkasynyń Tuńǵysh Prezıdenti - Elbasy N.Á.Nazarbaev 2018 jylǵy 6 qarashada bas qaladaǵyAstana Hub halyqaralyq IT-startaptar tehnoparkin ashý kezinde: «Álem shapshań ózgerip keledi. Internet, jasandy ıntellekt, 3D-baspa tehnologııalary jáne blokcheın adamzat ómiriniń búkil salasyna belsendi túrde enip keledi. Bul – qazirgi zamannyń negizgi úrdisi. Sıfrlandyrý memleketterdiń damýy men básekege qabilettiliginiń mańyzdy faktorlarynyń birine aınaldy», degen edi.
5 aqpanda Memleket basshysy Almaty qalasyndaǵy Halyqaralyq sıfrlyq forýmda ústimizdegi jyldyń tıimdi sıfrlandyrý aıasynda ótý kerektigin aıtty. Q.K. Toqaev aıtýynsha, karantın kezeńinde 6,5 mıllıonǵa jýyq el azamaty sıfrlyq júıeniń kómegimen memlekettik qoldaý alǵan.
Jasandy ıntellekttiń ulttyq klasteri qurylyp jatyr. 5 jyl ishinde memleket sıfrlandyrý salasyna shamamen bes júz mıllıard teńge ınvestısııa tartý josparlanyp otyr.
Jahandyq syn-qaterler álemdik ekonomıkaǵa yqpal etip qoımaı, ónerde de revolıýsııalyq ózgerister týdyrdy. Muny Lı Inamnyń «Signal of Light» sıfrlyq óner týyndylarynyń kórmesi dáleldeıdi. Vıdeoart keńistiktegi tús, pishin, jaryq uǵymdaryn ashyp, beıneleý óneriniń aýqymyn keńeıtedi.
Avtor tarıh pen uly sheberlerdiń shedevrlerimen baılanys ornatýdyń jańa arnasyn quryp, álemge degen kózqarasty ózgertýgemúmkindik beredi.
Ol kópke úırenshiksiz palıtrany negizge alady. Beınematerıaldardy tashalaıtyn kórermender sıqyrly fonardan kınoteatrǵa, optıkalyq ıllıýzııa men panoramalyq keskindemeden vırtýaldy ómirge deıingi medıa-ónerdiń damýyn baqylaı alady.
Beıne sıýjetteri kórermenge muqııat qarap, tereńirek jáne uzaq sezinýge septik tıgizedi. Eń bastysy, adam bolmysyn, ómiriniń tabıǵatyn beıneleıtin sýretshiniń bul týyndylary kókeıgeúmit uıalatady.
Aıta keteıik, Lı Inam - Ionse ýnıversıtetiniń beıneleý óneri joǵary mektebi boıynsha PhD kandıdaty. 2017 jyly ol IýNESKO Koreı komıtetiniń mádenıet jáne óner jónindegi izgi nıet elshisi, 2019 jyly - International Symposiumon Electronic Art» ashylý saltanatynyń rejısseri, 2021 jyly - «Art Korea Broadcasting 2020» beıne jónindegi sýretshi-qoıýshysy boldy.
Lı Inamnyń jeke kórmeleri AQSh pen Eýropa elderinde ótkizilip keledi. Avtor medıa-óner salasynda túrli marapattarǵa ıe bolǵan.
