Jambyldyq sý sharýashylyǵy salasynyń qyzmetkerleri marapattaldy

«Oblys ákimi Berdibek Mashbekulynyń tapsyrmasyna sáıkes, óńirimizde jyl sanap sýarmaly egis alqabynyń kólemi ulǵaıyp keledi. Tıisinshe oblys ákimdiginiń qoldaýynyń arqasynda egin sharýashylyǵyna bet burǵan sharýalardyń da qatary artýda. Sonymen qatar, dıqandardy sapaly tuqymmen, tyńaıtqyshpen qamtý jáne aýyl sharýashylyǵy tehnıkalaryn jańartý baǵytynda da qarqyndy jumystar júrgizilýde. Degenmen, eger sý tapshy bolatyn bolsa egistik alqabyn ulǵaıtyp, sapaly tuqym satyp alyp, tehnıka jańartqanymyzdan paıda bolmaıdy. Jaqsy ónim alý úshin eń aldymen egistik alqaptaryna sýdyń kedergisiz jetkeni mańyzdy», dedi ol. Sondaı-aq, Nurjan Nurjigitov «Qazsýshar» oblystyq fılıaly sý paıdalaný bóliminiń gıdrotegnıgi Aqylbek Muratulyna, «Tasótkel sý qoımasy» óńirlik bólimshesiniń gıdrotehnıgi Danııar Turdyqululyna oblys ákiminiń Alǵys hatyn tabystady. Budan keıin jıynǵa qatysýshylardy elimizdiń Ekologııa, geologııa jáne tabıǵı resýrstar mınıstri Maǵzum Myrzaǵalıev onlaın rejım arqyly quttyqtady. Sonymen qatar, oblystyq aýyl sharýashylyǵy basqarmasy basshysynyń orynbasary Erlan Qulkeev te sý sharýashylyǵy qyzmetkerlerin kásibı merekelerimen arnaıy quttyqtap, jyly lebizin bildirdi. Sondaı-aq, ol birqatar mekeme qyzmetkerin Alǵys hatpen marapattady.

  «Qazsýshar» respýblıkalyq memlekettik kásiporny Jambyl oblystyq fılıalynyń dırektory Qazybek Bedebaev ta áriptesterin merekelerimen quttyqtap, sala ardagerlerine qurmet kórsetti. Uzaq jyldar boıy sý sharýashylyǵy salasynda eńbek etip, óńirdiń áleýmettik-ekonomıkalyq damýyna úles qosqan ardagerlerge Qazaqstan Respýblıkasy Ekologııa, geologııa jáne tabıǵı resýrstar mınıstri Maǵzum Myrzaǵalıevtyń, Sý resýrstary komıtetiniń tóraǵasy Nurlan Aldamjarovtyń, «Qazsýshar» respýblıkalyq memlekettik kásipornynyń bas dırektory Altaı Eljasovtyń atynan arnaıy sebetter taratyldy. Sondaı-aq, Qazybek Bedebaev eńbegimen elengen mekeme mamandaryna «Sý sharýashylyǵynyń ardageri», «Sý sharýashylyǵynyń úzdigi» tósbelgisin taqty. Odan bólek, taǵy ondaǵan qyzmetkerge mınıstr bastaǵan birqatar laýazymdy tulǵalardyń atynan Qurmet gramotasy men Alǵys hattaryn tabys etti. Endi bir top fılıal mamany Aýyl sharýashylyǵy qyzmetkerleriniń salalyq kásiptik odaǵynyń «II dárejeli Eńbek dańqy», «III dárejeli Eńbek dańqy» tósbelgisimen jáne Qurmet gramotasymen, «Qazaqstan sý sharýashylyǵy» RMK qyzmetkerleriniń jergilikti kásiptik odaǵynyń Qurmet gramotasymen marapattaldy.

  Jıyn barysynda sóz alǵan ardagerler mereke qarsańynda umyt qaldyrmaı eskerip, arnaıy shaqyryp, qurmet kórsetken basshylyqqa rııasyz alǵystaryn jetkizdi. Sondaı-aq, ardagerler mekemeniń bir bólmesinen tarıhty, ótkendi keıingi urpaq bilip júrýi úshin sýshylarǵa arnalǵan mýzeı ashýdy usyndy. О́z kezeginde Qazybek Bedebaev utymdy usynys boıynsha naqty jumystar júrgizilip, jýyrda mýzeı ashylatynyn jetkizdi.