«Ulttyq keńestiń quramy keńeıtildi. Endi Keńeske 48 qoǵam qaıratkeri múshe bolady (buryn 44 bolatyn). Ulttyq keńestiń quramyna Mańǵystaý oblysynan qoǵam qaıratkeri Ýaıs Ersaıynuly, belgili saıasattanýshy Býrıhan Nurmuhamedov, kásipker, «Altyn Kyran» halyqaralyq qaıyrymdylyq qorynyń prezıdenti Islambek Saljanov kirdi», dep jazdy ol.
Sondaı-aq, rotasııa aıasynda Ulttyq keńes quramynan Aýyt Muqıbektiń shyǵarylǵanyn málimdedi.
«Qazir Ulttyq keńestiń altynshy otyrysyna daıyndyq aıasynda UQSK músheleriniń óńirlerdegi kóshpeli jıyndary uıymdastyrylýda. Kóshpeli otyrystyń baǵdarlamasyna sáıkes UQSK músheleri qoǵamdyq keńesterdiń ókilderimen, qoǵam belsendilerimen, sonymen qatar jergilikti atqarýshy organdardyń ókilderimen kezdesedi. Sonyń qorytyndysy boıynsha Ulttyq keńestiń kelesi otyrysynda qaralatyn usynystar ázirlenetin bolady», dep jazdy Erlan Qarın.
