Rýhanııat • 11 Shilde, 2021

Bekershilik

142 ret kórsetildi

Bizdiń kóbimiz – ómir boıy eń ǵajap, eń uly armandarymyzdy kúndelikti kúıbeń tirshiliktiń shańyna kómip, tunshyqtyryp, aqyr sońynda sol bosqa óter bekershiliktiń qo­lyna berip óltirýshilermiz. Eń qorqy­nysh­tysy – sol áýreshilik bara-bara adam­zat­tyń negizgi ómir mánine aınalyp bara jatqan. Biz tipti ózimizdiń ómirge kel­gendegi uly mu­rattarymyzdy birjola umy­typ, sol bekerge óter bos ǵumyrdyń tutas­taı qurbanyna aınalamyz. Árıne, ár adam – ındıvıd. Bireýdiń ómirin qur bekershilik dep qurdymǵa ysyra salýdan, jalpy jer betindegi barlyq adam bes kún jalǵandy beker súrip jatyr deýden aýlaqpyz. О́ziniń sanaly ǵumyryn ǵıbratty keship ótken ǵulamalar, danyshpandar kóp. Degenmen biz aıtyp otyrǵan kúıreýik kúıdiń tuzaǵyna tutqyndalǵandar úlesi báribir kóp.

Keıde tipti adam qarapaıym óziniń su­lýlyǵynyń da tutqynyna aınalyp, jalǵandy aqyr sońynda jalǵyz ózi támamdaıtyn kezder bolady. Asqan sulý, keremet kórikti myna bir perızattyń aına aldynda jalǵyz otyrýy bizdi osy oılarǵa jetelep ketti...

1892 jyly nebári 18 jastaǵy qylqalam sheberi Charlz Alan Gılbert osynaý eń áıgili optıkalyq ıllıýzııany jaryqqa shy­ǵa­rady. «Bári – bekershilik» dep ataǵan kartına óz kórermenderin áli kúnge deıin tań­ǵal­dyrýdan talmaı keledi. Tipti osynaý op­tı­kalyq ıllıýzııamen bederlengen beıne áli kúnge deıin kóptegen sýretshi men fotografty ózine elik­tirip, jańa súrleý salyp keledi.

Biz keıde eriksiz shyndyqta joq nárseni kóremiz. Sýretshi Gılberttiń bul kartınasyna qarap turǵan adam eń áýeli qýarǵan bas­súıekti kóredi. Al shyn máninde ol – jaı ǵana aına aldynda óziniń ómir jolyna aınadaǵy arý arqyly úńilgen sulý perızat beınesi.

Bul jerde de aıtarymyz, álbette keı adam birden kerbez kelinshektiń keskinin ańǵarýy múmkin. Álemde qansha adam bolsa sonsha mahabbat, sonsha jalǵyzdyq, sonsha kózqaras bary belgili. Degenmen qylqalam qııalynyń, qundylyq qupııasynyń, sýret sıqyrynyń kúshi bizdi osynaý kartına aldynda úlken suraqtarǵa jaýap izdetedi.

Shynymen, bul sýrette bes kún jalǵannyń bekershiligin beınelegen bas súıek pe, joq ómirdiń qyzyldy-jasyldy sulý sátterine aldanyp, óz sulýlyǵynyń qurdymyna ju­tylyp, uzaqty kúnge aına aldynda otyrǵan kerbez kelinshek pe?

Sońǵy jańalyqtar

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Elimizde 62 myńnan astam bala vaksına aldy

Koronavırýs • Búgin, 10:00

Dollar qaıtadan qymbattaı bastady

Qarjy • Búgin, 09:55

Qazaqstanda karantındik sharalar kúsheıtiledi

Koronavırýs • Búgin, 09:40

Uqsas jańalyqtar