«Qazirgi ýaqytta 280 jábirlenýshi polısııaǵa shaǵym túsirdi. Sotqa deıingi tergeý barysynda respýblıkamyzdyń ár túrli aımaqtarynda turatyn 300-den astam adam «Expolis Invest VM» JShS basshylyǵynyń áreketterinen zardap shekkeni anyqtaldy. Nur-Sultan qalalyq polısııa departamenti qurylys kompanııasy áreketterinen zardap shekken úleskerlerden tergeý bólimine: 71-62-85, 8-775-968-77-34 telefondary arqyly habarlasýlaryn suraıdy», deıdi qalalyq PD baspasóz qyzmeti
Osyndaı jaǵdaılardyń aldyn alý úshin, qurylys kompanııasymen birlesken qurylys týraly kelisimsharttar jasasý kezinde kelesi aspektilerge nazar aýdarýǵa keńes beriledi:
- jobalaýshy men qurylysty salýshy kompanııanyń naqty zańdy mekenjaıy týraly málimetter;
- kompanııanyń memlekettik tirkeýden ótkendigin rastaıtyn qujattar;
- kompanııanyń quryltaıshylary, sondaı-aq jobalaýshy kompanııa quryltaıshylary týraly aqparat;
- jeke tulǵalardan qarajat tartý arqyly qurylysqa ruqsatty kórsetetin quzyretti organdardyń lısenzııasynyń bolýy;
- kompanııanyń qurylys júrgiziletin jer ýchaskesine quqyǵyn rastaıtyn qujattar;
- nysandy salýǵa GASK bergen ruqsat;
- qurylys kezeńderi jáne ony aıaqtaý merzimderi týraly málimetter;
- qurylys kompanııasynyń qara tizimde bar-joǵyn tekserińiz.
2020 jyly mamyrda elorda ákimdigi prokýratýramen birlesip júrgizgen monıtorıng nátıjesinde úleskerlerden aqshany zańsyz tartqan 46 qurylys kompanııasyn anyqtady.
