«Mundaı kelisimder álemdik saýdany jańa kedergilerden jáne sandyq proteksıonızmnen qorǵaýǵa, sondaı-aq Tórtinshi ónerkásiptik revolıýsııa kezinde DSU erejeleriniń qalaı jumys isteıtindigi týraly suraqtarǵa jaýap berýge múmkindik beredi», dedi EEK mınıstri.
Andreı Slepnev Eýrazııalyq ekonomıkalyq odaq aıasynda elektrondyq saýdanyń damýy týraly aıta kele, úsh tarmaqty atap ótti. Birinshiden, bul Eýrazııalyq ekonomıkalyq odaqtyń ortaq naryǵynyń jumys isteýi. «Elektrondy saýda úlken múmkindikter usynady. Bólshek saýdadaǵy elektrondy saýdanyń úlesi 2030 jylǵa qaraı 30%-dan 40%-ǵa deıin ósedi dep úmittenip otyrmyz. Biraq ekinshi jaǵynan, biryńǵaı retteýdiń artta qalýy jalpy naryqtyń aıtarlyqtaı bólshektenýine ákelýi múmkin», dep sózin bir túıip ótken mınıstr ulttyq retteýdegi derekterdi oqshaýlaý men qol jetimdilikke, qosarlanǵan salyq salýǵa, básekelestikke jáne tutynýshylardyń quqyqtaryn qorǵaýǵa qatysty aıyrmashylyqtarǵa nazar aýdardy.
EEK mınıstri elektrondy kommersııaǵa qatysty birtutas sıfrlyq qujattardyń tolyq jıyntyǵyn daıyndaýdy óte mańyzdy másele dep atady. Búgingi kúni, Andreı Slepnevtiń aıtýynsha, bul problema sektordy damytýǵa basty kedergi bolyp kórinedi.
Ekinshi másele satyp alýshylar men satýshylardyń minez-qulqyna qatysty manıpýlıasııanyń ádiletsiz tájirıbesiniń aldyn alýǵa qatysty.
«Barlyǵy jaqynda ǵalamdyq ınternet-platformalarǵa qarsy mıllıondaǵan dollarlyq sot isi týraly biledi. Bul eń aldymen, artta qalǵan retteý problemasy», dep atap ótti EEK mınıstri.
Osyndaı problemalardyń aldyn alý jáne bıznes pen tutynýshylarǵa naryqqa ádiletti qol jetimdilikti qamtamasyz etý úshin taýarlardy ınternet-saıttarǵa ornalastyrý men jyljytýdyń ashyq erejelerin qamtamasyz etý qajet.
Úshinshi tarmaq EEK mınıstri naqtylap ótkendeı, strategııalyq salaǵa aınalatyn elektrondy saýda ınfraqurylymynyń turaqtylyǵy men qaýipsizdigi máselelerine qatysty, al keń maǵynada - saýda ınfraqurylymyn sıfrlandyrý.
«Sandyq kólik dálizderi, qazirgi kezde aıtylǵandaı, Eýrazııa keńistiginde saýdanyń ósýine úlken jyldam nátıje bolyp tabylady. О́te mańyzdysy, munda - Qytaıda, EO-da jáne EAEO-da saıası túsinispeýshilik joq. Barlyǵy buǵan praktıkalyq deńgeıde kelisedi», dep basa aıtty Andreı Slepnev.
Mysal retinde ol Reseıdiń Qıyr Shyǵystan Fınlıandııaǵa deıingi kólik dálizin sıfrlandyrýdy keltirdi, bul taýarlardy jetkizý merzimin tórt kúnge qysqartatynyn eske saldy.
